មានការ​ស្រាវជ្រាវ​មួយ​បាន​បង្ហាញ​ថា នៅ​ពេល​ដែល​អ្នក​បំពេញការងារ ហើយ​មាន​អារម្មណ៍​ស្មុគស្មាញ​ខ្លាំង នោះ​អ្នក​នឹង​ងាយ​កើត​មាន​អាកា​រៈ​លើស​សម្ពាធ​ឈាម​ណាស់​។ ដូចនេះ អ្នក​គួរតែ​រក​ពេលវេលា​ដើម្បី​គេង​ថ្ងៃត្រង់​បាន ព្រោះ​វា​អាច​ជួយ​បញ្ចុះ​សម្ពាធ​ឈាម​អ្នក​បាន​។

នៅ​ពេល​ដែល​អ្នក​អាច​គេង​ថ្ងៃត្រង់​ចំនួន​កន្លះ​ម៉ោង នោះ​បេះដូង​អ្នក​នឹង​មិន​ងាយ​កើត​មាន​បញ្ហា​ឡើយ ព្រោះ​ការ​គេង​ថ្ងៃ​ត្រង់នេះ អាច​ជួយ​ការពារ​បេះដូង​អ្នក​ឲ្យ​ដំណើរការ​ល្អ ថែម​ទាំង​អាច​មាន​កម្លាំង​គ្រប់គ្រាន់ ដើម្បី​ប្រយុទ្ធ​បន្ត​ទៀត​ផង​។

នៅ​ពេល​ដែល​អ្នក​គេង​ថ្ងៃត្រង់ មិន​ត្រឹមតែ​ធ្វើ​ឲ្យ​អ្នក​អាច​បំបាត់​អារម្មណ៍​នឿយហត់​នោះ​ទេ ថែម​ទាំង​អាច​បង្កើន​ការ​ចង​ចាំ​អ្នក​ទៀត​ផង ដោយ​ធ្វើ​ឲ្យ​អ្នក​មិន​ងាយ​ភ្លេចភ្លាំង​ច្រើន​នោះ​ទេ​។

ប្រព័ន្ធ​ការពារ​រាង​កាយ​អ្នក នឹង​អាច​រឹង​មាំ​ជាង​មុន នៅ​ពេល​ដែល​អ្នកមាន​ទម្លាប់​គេង​ថ្ងៃ​។ ជា​ហេតុ​ដែល​ធ្វើ​ឲ្យ​អ្នក​មិន​ងាយ​ប្រឈម​មុខ​នឹង​ជំងឺ​ផ្សេង​ៗ​ឡើយ ដោយ​សុខភាព​អ្នក​នឹង​ល្អ​ខ្លាំង​ណាស់​។

ប្រសិនជា​អ្នក​តែងតែមាន​អារម្មណ៍​តានតឹង ស្មុគស្មាញ ហើយ​គិត​ច្រើន អ្នក​អាច​សាកល្បង​គេង​ថ្ងៃ​បាន ព្រោះ​វា​អាច​ជួយ​បណ្តេញ​អារម្មណ៍​អាក្រក់​ទាំងនេះ​ចេញ​អស់ ដោយ​ធ្វើ​ឲ្យ​អ្នកមាន​អារម្មណ៍​ស្រស់ស្រាយ​ឡើង​វិញ​ជា​មិន​ខាន​ឡើយ​។ ដូចនេះ អ្នក​គួរតែ​រក្សា​ទម្លាប់​គេង​ថ្ងៃ​ត្រង់នេះ ដើម្បី​សុខភាព​ផ្លូវចិត្ត និង​ផ្លូវ​កាយ​របស់​អ្នក​៕

ដូច្នេះ ប្រសិនបើលោកអ្នកមិនចង់ឃើញស្លាកស្នាមទាំងនោះ សូមសាកល្បងជាមួយនឹងវិធីធម្មជាតិងាយៗ ៥ យ៉ាង ដែលជួយបន្ថយស្លាកស្នាមនៅលើស្បែកយ៉ាងមានប្រសិទ្ធភាព។

១- ក្រូចឆ្មារ ៖ យកក្រូចឆ្មាពុះជាពីរ រួចយកវាមកដុសថ្នមៗនៅលើស្បែក។
២- ប៉េងប៉ោះ ៖ ចិតប៉េងប៉ោះជាបន្ទះៗ ឬពូតយកទឹកប៉េងប៉ោះ រួចយកចំណិតប៉េងប៉ោះ ឬទឹកប៉េងប៉ោះមកម៉ាស្សាថ្នមៗនៅលើស្បែកមានស្នាម។
៣- ត្រសក់ ៖ យកត្រសក់ចិតជាចំណិត ឬច្របាច់យកតែទឹកត្រសក់ មកបិត ឬលាបលើស្នាមរបួស។
៤- ដំឡូងបារាំង ៖ យកដំឡូងបារាំងឆៅមកកិនឱ្យម៉ដ្ឋ រួចច្របាច់យកតែជាតិទឹករបស់វា ហើយលាបទៅលើស្លាកស្នាម។
៥- បន្ទាលកន្ទុយក្រពើ៖ កាត់ប្រទាលកន្ទុយក្រពើមួយធាង កោសយកតែជាតិជែល រួចយកមកបិទលើស្នាមរបួស រហូតដល់តែវាស្ងួត សឹមយកចេញ។ លោកអ្នកត្រូវអនុវត្តវិធីមួយនេះជារៀងរាល់ថ្ងៃ។

ចំណាំ៖ លោកអ្នកអាចជ្រើសរើសវិធីណាមួយក្នុងចំណោមវិធីទាំង ៥ ខាងលើ និងសូមអនុវត្តវិធីនោះឱ្យបានញឹកញាប់ផងដែរ ទើបមានប្រសិទ្ធភាពកាន់តែខ្ពស់៕

ខាងក្រោមនេះ ជាប្រភេទអាហារទាំង ៣ ប្រភេទៈ

១- អាហារការពារពីជម្ងឺផ្សេងៗ៖ អាហារប្រភេទនេះ មានក្នុងបន្លែពណ៌បៃតង ផ្លែឈើមានពណ៌លឿងទុំ ដូចជាល្ហុង ល្ពៅ និងផ្លែសេដាជាដើម។

២- អាហារផ្ដល់ថាមពល៖ ជាប្រភេទអាហារមានរសជាតិផ្អែម ដូចជា ស្ករត្នោត ស្ករអំពៅ ទឹកឃ្មុំ ទឹកអំពៅ ទឹកដូងខ្ចីជាដើម។ ព្រមទាំងអាហារមួយចំនួនដូចជា ខ្លាញ់់ជ្រូក ខ្លាញ់ត្រីប្រេងសណ្ដែក និងចេកណាំវ៉ា ជាដើម ។ រួមទាំង បាយ បបរ ដំឡូង ពោត ឬនំបញ្ចុក ផងដែរ ។

៣- អាហារផ្ដល់ភាពរឹងមាំ (រឹងដៃរឹងជើងឡើងវិញ)៖ ជាប្រភេទអាហារសាច់ (ដូចជាសាច់គោ ជ្រូក មាន់ ទា ត្រី កង្កែប អន្ទង់ ក្ដាម ស៊ុតជាដើម) និងគ្រាប់ធញ្ញជាតិ (ដូចជាសណ្ដែកសៀង សណ្ដែកដី ពោត តៅហ៊ូជាដើម) ។

ដូច្នេះ គួរចម្អិនម្ហូបអាហារ ដែលមានគ្រឿងផ្សំខាងលើ ឱ្យស្រ្តីពរពោះទទួលទាន ដើម្បីឱ្យរាងកាយរឹងមាំ មានកម្លាំងកំហែង និងអាចចៀសផុតពីជម្ងឺផ្សេងៗ។

សូមបញ្ជាក់ថាៈ ក្នុងការចម្អិនអាហារ គឺអាចយកគ្រឿងផ្សំដែលមានក្នុងប្រភេទអាហារទាំង ៣ ខាងលើ ផ្សំចូលគ្នា រួចយកមកចម្អិនក្នុងពេលតែមួយតែម្ដង ឱ្យស្រ្តីពរពោះទទួលទានក៏បានដែរ៕

ក្នុងករណីអ្នកកើតជម្ងឺមុនខ្នងធ្ងន់ធ្ងរ គឺមុនខ្នងអាចបង្កទៅជាខ្ទុះ ឬប៉ោងរីកធំៗដូចជាបូស នឹងបង្កឱ្យមានការឈឺចាប់។ ប្រសិនបើគ្មានការព្យាបាល និងមិនថែទាំងសុខភាពឱ្យបានល្អទេ មុនខ្នងនឹងបន្តការកើតមានរហូតដល់មនុស្សអាយុ ៤០ ឆ្នាំ។

មុនខ្នង កើតរីករាលដាលត្រង់ស្មា ដៃ ទ្រូង និងគូថ…។ មុនខ្នង អាចមានជាមុនអុជខ្មៅ ឬជាមុនមានគ្រាប់ធំៗ នឹងរីករាលដាលលឿនជាងមុននៅលើផ្ទៃមុខ។

មានកត្តា ៤ យ៉ាងដែលជាមូលហេតុបង្កឱ្យកើតមានមុនខ្នងដូចជា៖

១- កង្វះលំហាត់ប្រាណក្នុងការបញ្ចេញញើស៖ ស្បែកខ្នងសម្បូរទៅដោយក្រពេញញើសដែលអាចផលិតជាតិខ្លាញ់បានច្រើន។ ដូច្នេះ ប្រសិនបើអ្នកកង្វះលំហាត់ប្រាណ ឬពលកម្មបញ្ចេញញើស នោះញើសដែលបញ្ចេញមកមានចំនួនតិចៗ ហើយញើសដែលនៅសេសសល់ក្នុងស្បែកនឹងក្លាយទៅជាកកបណ្ដាលឱ្យស្ទះរន្ធញើស ហើយបន្សល់ទុកនូវបាក់តេរីក្នុងរាងកាយ ជាពិសេសគឺត្រង់បរិវេណស្បែកខ្នង។ បាក់តេរីទាំងអស់នោះ នឹងបំផ្លាញកោសិការស្បែកបណ្ដាលឱ្យកើតមុន ហើយចំពោះអ្នកដែលកើតមុនខ្នងស្រាប់ អាចនឹងរីករាលដាលធ្ងន់ធ្ងរជាមុនថែមទៀតផង។

២- ធុញថប់(ស្ត្រេស)៖ អារម្មណ៍ធុញថប់ខ្លាំងពេក(ស្រ្តេស) បានធ្វើឱ្យអរម៉ូនគ្មានតុល្យភាពហើយមានប្រតិកម្មជាមួយ​អរម៉ូន​អង់ដ្រូសែនបណ្ដាលឱ្យកើតមុនខ្នង។ ដូច្នេះហើយដោយសារតែ បុរស​មានអរម៉ូន​អង់ដ្រូសែន​ច្រើន​ជាងស្រ្តី ទើបបុរសកើតមុនខ្នងច្រើនជាងស្រ្តី។

៣- កង្វះអនាម័យខ្លួនប្រាណ៖ បើអ្នកអនាម័យខ្លួនប្រាណមិនបានស្អាតដូចជា បណ្ដោយឱ្យកខ្វក់ទុំលើស្បែកយូរ មិនសូវងូតទឹកហើយថែមទាំងមិនសូវដុសសាប៊ូ ព្រមទាំងស្លៀកសម្លៀកបំពាក់ប្រឡាក់ ក៏ជាមូលហេតុធ្វើកើតមុនខ្នងផងដែរ។

៤- ទទួលទានអាហារខ្វះជីវជាតិ៖ ការទទួលទានអាហារខ្វះជីវជាតិចំពោះស្បែក ក៏ជាមូលហេតុធ្វើឱ្យកើតមុនខ្នងដែរ ព្រោះជីវជាតិក្នុងអាហារចូលរួមចំណែកក្នុងការទប់ស្កាត់ និងព្យាបាលមុនខ្នង។

៥- ហ្សែន ឬតំណរពូជ៖ អ្នកខ្លះកើតមុនខ្នងដោយសារតែហ្សែនពីគ្រួសារ ឬគ្រួសារធ្លាប់មានប្រវត្តកើតមុនខ្នង ដូចជាឪពុកម្ដាយធ្លាប់កើតមុនខ្នង ដូច្នេះកូនក៏កើតមុនខ្នងដែរ៕

ខាងក្រោមនេះជាអាហារ ៣ ក្រុម ដែលស្រ្តីជាម្ដាយ គួរទទួលទានក្រោយពេលសម្រាលកូន។

១-អាហារធ្វើឱ្យស្រ្តីរឹងមាំ៖ អាហារប្រភេទនេះមាននៅក្នុងសាច់សត្វ និងគ្រាប់ធញ្ញជាតិ។ អាហារដែលធ្វើឱ្យស្ត្រីមានភាពរឹងមាំ (រឹងដៃរឹងជើង) ឡើងវិញ ក្រោយពេលសម្រាលកូន មាននៅក្នុងសាច់សត្វ (ដូចជាសាច់គោ ជ្រូក មាន់ ទា ត្រី កង្កែប អន្ទង់ ក្ដាម ស៊ុតជាដើម) និងគ្រាប់ធញ្ញជាតិ (ដូចជាសណ្ដែកសៀង សណ្ដែកដី ពោត និងតៅហ៊ូជាដើម)។

២-អាហារផ្ដល់ថាមពល៖ អាហារប្រភេទនេះមាននៅក្នុងជាតិស្ករ។ អាហារដែលមានរសជាតិផ្អែម គឺផ្ដល់ថាមពលដល់ស្រ្តីដែលទើបតែសម្រាលកូន។ អាហារទាំងនោះរួមមាន អាហារមានផ្ទុករសជាតិស្ករត្នោត ស្ករអំពៅ ទឹកឃ្មុំ ទឹកអំពៅ និងទឹកដូងខ្ចីជាដើម។ ព្រមទាំងអាហារមួយចំនួនដូចជា ខ្លាញ់់ជ្រូក ខ្លាញ់ត្រីប្រេងសណ្ដែក និងចេកណាំវ៉ា ជាដើម ។ រួមទាំង បាយ បបរ ដំឡូង ពោត ឬនំបញ្ចុកផងដែរ។

៣-អាហារការពារ៖ អាហារប្រភេទនេះមាននៅក្នុងបន្លែ។ អាហារដែលផ្ដល់ថាមពលការពារ និងទប់ស្កាត់ពីជម្ងឺផ្សេងៗ មាននៅក្នុងបន្លែបង្ការដែលមានពណ៌បៃតង។ ក្រៅពីនេះ មានដូចជា ត្រួយស្ដៅ ក្រូចឆ្មារ ថ្លើមសត្វគ្រប់ប្រភេទ និងផ្លែឈើ ដែលមានពណ៌លឿងទុំ ដូចជាល្ហុង ល្ពៅ និងផ្លែសេដាជាដើម។

ដូច្នេះ ក្រោយពេលសម្រាលកូន ស្រ្តីជាម្ដាយគ្រប់រូប គួរតែបរិភោគអាហារូបត្ថម្ភឱ្យបានត្រឹមត្រូវ ទើបមានសុខភាពល្អ និងមានទឹកដោះគ្រប់គ្រាន់។

សូមបញ្ជាក់៖ ក្រោយពេលសម្រាលកូន ស្រ្តីជាម្ដាយគ្រប់រូបគួរតែទទួលទានអាហារ ៣ ក្រុមនេះ ឱ្យបានច្រើនជាមុន ឬឱ្យបានរយៈពេលយូរថ្ងៃសិន សឹមទទួលទានអាហារដែលមានរសជាតិហឹរ ដើម្បីកាត់ជាតិឆ្អេះឆ្អាបនៅក្នុងខ្លួន ឬធ្វើឱ្យសរសៃឈាមមានភាពរឹងមាំ ឬហៅថាហូបហឺរឱ្យចាស់សរសៃ ។ ម្យ៉ាងវិញទៀត ឪពុកម្ដាយត្រូវយកទារក ដែលទើបនឹងកើតទៅចាក់ថ្នាំបង្ការជម្ងឺផ្សេងៗ តាមវេជ្ជបញ្ជារបស់គ្រូពេទ្យ ឱ្យបានទៀងទាត់ពេលវេលា។ ជាមួយគ្នានេះដែរ ស្ដ្រីជាម្ដាយទាំងអស់ គួរតែបំបៅកូនដោយទឹកដោះផ្ទាល់​ ព្រោះមានសារធាតុចិញ្ចឹមច្រើនប្រភេទ និងគ្រប់គ្រាន់ដែលអាចទប់ស្កាត់នូវជម្ងឺមួយចំនួនមិនឱ្យមកយារយី៕

កូឡាជែន (Collagen) គឺជាជាតិប្រូតេអ៊ីម្យ៉ាងមានលក្ខណៈរឹង មិនរលាយ និងរាងជាសរសៃៗ ដែលផលិតឡើងក្នុងរាងកាយរបស់យើងស្រាប់ មានមុខងារជាចម្បងជំនួយដល់សម្រស់។ ទំនាក់ទំនងរវាងកូឡាជែន បានផ្សារភ្ជាប់យ៉ាងខ្លាំងជាមួយស្បែក សរសៃសក់ ក្រចក និងឆ្អឹង។ ជាក់ស្ដែង ប្រសិនបើក្នុងរាងកាយរបស់យើងមានផ្ទុកជាតិកូឡាជែនច្រើន នោះស្បែក សរសៃសក់ ក្រចក និងឆ្អឹង ក៏មានសុខភាពល្អ រឹងមាំ និងសម្រស់ស្រស់ស្អាតទៅតាមនោះផងដែរ។ ជាមួយគ្នានេះ បើក្នុងរាងកាយរបស់យើងផ្ទុកជាតិកូឡាជែនច្រើន ទោះបីជាយើងឈានចូលវ័យចំណាស់ ក៏យើងមិនសូវប្រឈមខ្លាំងលើបញ្ហាស្បែកចាស់ ជ្រីវជ្រួញ។

ម្យ៉ាងវិញទៀត ការទទួលទានអាហារ ពិតជាមានទំនាក់ទំនងខ្លាំងណាស់ជាមួយសុខភាព និង សម្រស់។ ហើយអាហារដែលសម្បូរជាតិកូឡាជែន នឹងជំនួយដល់សម្រស់ទ្វេដង បើប្រៀបធៀបទៅនឹងអាហារពុំសូវផ្ទុកជាតិកូឡាជែន។

ខាងក្រោមនេះជាប្រភេទអាហារផ្ទុកជាតិកូឡាជែនច្រើន៖ 

– បន្លែ និងផ្លែឈើមានពណ៌ទឹកក្រូច ដូចជា មើមការ៉ុត ល្ពៅ ល្ហុង ក្រូចថ្លុង អាព្រីកូត ត្រសក់ស្រូវ និងត្រសក់ផ្អរ
– បន្លែពណ៌បៃតង និងផ្លែឈើរសជាតិជូរ និងអម្បូរក្រូច
– ប្រភេទអាហារផ្ទុកជាតិស័ង្កសីច្រើន ដូចជា គ្រឿងសមុទ្រ សាច់ក្រហម ស៊ុតផ្នែកពណ៌ស ទំពាំងបារាំង សណ្តែកសៀង និងគ្រាប់ធញ្ញជាតិ
– ប្រភេទអាហារសម្បូរសារជាតិខ្លាញ់ត្រី អូមេហ្គា ៣ ដូចជា ត្រីសាម៉ុង ត្រីសាឌីន និងត្រីធូណា៕

មូលហេតុធ្វើឱ្យសុដន់របស់អ្នកយារធ្លាក់ ដោយសារតែទម្លាប់រស់នៅមិនល្អមួយចំនួន៖

• ពាក់អាវទ្រនាប់ដែលមានទំហំប៉ុនសុដន់របស់អ្នក។ ដូច្នេះសូមកុំពាក់អាវទ្រនាប់តឹង និងធំជាងសុដន់របស់អ្នក ព្រោះវាជាមូលហេតុជម្រុញឱ្យសុដន់យារមុនវ័យ។
• ងូតទឹកក្ដៅឧណ្ហៗ ថ្វីត្បិតតែធ្វើឱ្យអារម្មណ៍ល្អ ស្រួលខ្លួនមែន តែវាបានចូលរួមចំណែកធ្វើឱ្យសុដន់របស់អ្នកយារផងដែរ។ ដូច្នេះ គួរតែចៀសវាង ឬយូរៗម្ដង។

ចំពោះដោះស្រាយបញ្ហាសុដន់ធ្លាក់យារ ឱ្យតឹងណែនឡើងវិញ៖

• ការវះកាត់ ឬកែសម្ភស្ស ជារឿងដ៏ពេញនិយមរបស់សុភាពនារីគ្រប់រូប តែវាក៏ប្រឈមនឹងបញ្ហាសុខភាពផងដែរ។ ដូច្នេះ បើអាចគួរតែចៀសវាងវិធីសាស្រ្តនេះ។
• ល្អបំផុត គឺធ្វើលំហាត់ប្រាណ ដែលមានអំណោយផលដល់ការបន្តឹងសុដន់ឡើងវិញ។ ការធ្វើលំហាត់ប្រាណ មិនត្រឹមតែធ្វើឱ្យរាងស្លីម ស្បែកស្រស់ស្អាត ក្មេងជាងវ័យ និងជួយកម្ចាត់មេរោគក្នុងខ្លួននោះទេ ថែមទាំងជួយធ្វើឱ្យសុដន់តឹងណែន មិនងាយជ្រាយ និងយារថែមទៀតផង។
• ចំពោះការប្រើប្រាស់ផលិតផល គួរតែសួរអ្នកជំនាញ និងដឹងព័ត៌មានឱ្យបានច្បាស់លាស់ ចៀសវាងមានហានិភ័យកើតឡើង
• ការថែរក្សាតុល្យភាពនៃទម្ងន់ ជាផ្នែកមួយដែលចូលរួមចំណែកទប់ស្កាត់បញ្ហាសុដន់យារធ្លាក់ផងដែរ៕

១. តើហេតុអ្វីបានជាសក់ក្បាលរបស់ខ្ញុំកើតអង្គែ?

ការកកើតនៃអង្គែនៅលើស្បែកក្បាល អាចបង្កពីកត្តារួមផ្សំជាច្រើន ដូចជា៖
• ការរលាក ដែលច្រើនកើតរួមជាមួយសញ្ញាក្រហមស្បែកក្បាល របកស ឬលឿង
• ការកក់សក់មិនបានញឹកញាប់ធ្វើឱ្យស្បែកក្បាលឡើងប្រេងខ្លាំង កកដុំ ក្លាយជាអង្កែ
• ការបង្ករោគពីផ្សិត ពិសេសពពួកផ្សិតមាននៅលើក្បាលស្រាប់ និងភាគច្រើនក្មេងជំទង់
• ករណីមានស្បែកស្ងួតជាប្រចាំ និងមិនបានព្យាបាល ឬបំពេញជាតិទឹកបន្ថែមគ្រប់គ្រាន់
• ប្រតិកម្មជាមួយនឹងសារធាតុណាមួយក្នុងផលិតផលថែរក្សាសក់។

កត្តាហានិភ័យដោយឡែកគឺ អង្គែច្រើនកើតលើក្មេង និងមនុស្សវ័យកណ្តាលជាងមនុស្សចាស់ ហើយកើតលើបុរសច្រើនជាងស្ត្រី។ ម៉្យាងទៀត អ្នកមានសក់ ឬស្បែកក្បាលប្រេងងាយកើតអង្គែបំផុត។ តាមការសិក្សាមួយបានបង្ហាញថា ការមានមានអង្គែអាចទាក់ទងនឹងជំងឺលើប្រព័ន្ធសរសៃប្រសាទដូចជាជំងឺ Parkinson ជាដើម។

២. តើមានវិធីសាស្ត្រអ្វីខ្លះក្នុងការបង្ការអង្គែ? 

អង្គែអាចកើតម្តងហើយម្តងទៀតបានគ្រប់ពេលបើមិនរក្សាអនាម័យឱ្យបានខ្ជាប់ខ្ជួនទេនោះ។ ដូច្នេះ អ្នកត្រូវរក្សាស្បែកក្បាល ដោយកក់សក់ជាទៀងទាត់យ៉ាងហោចណាស់៣ ដងក្នុងមួយសប្តាហ៍ និងធ្វើការម៉ាស្សាថ្នមៗ។ ចៀសវាងការប្រើសារធាតុគីមីលើស្បែកក្បាល ដូចជាលាបពណ៌សក់ ជែលលាបសក់ ស្ព្រៃយន៍បាញ់សក់ និងកាត់បន្ថយស្ត្រេសជាដើម៕

– បំបៅកូនដោយទឹកដោះជារៀងរាល់ថ្ងៃ

– ធ្វើលំហាត់ប្រាណតាមលទ្ធភាព និងអាចសាកលើវត្ថុដែលមានទម្ងន់ល្មម

– ការជ្រើសរើសយកវិធីសម្រកទម្ងន់ ដោយការតមអាហារមិនមែនជារឿងល្អនោះទេ វាធ្វើឱ្យបាត់បង់ជីវជាតិក្នុងខ្លួន និងមិនបានជួយសម្រកទម្ងន់ច្រើនឡើយ។ ផ្ទុយទៅវិញ គួរតែជ្រើសរើសទទួលទានអាហារណាដែលមានសារធាតុចិញ្ចឹមគ្រប់គ្រាន់។ តែយ៉ាងណាគួរតែកាត់បន្ថយការទទួលទានអាហារសម្បូរជាតិកាឡូរីខ្ពស់។

– ក្រោយពេលសម្រលកូនម្ដាយគ្រប់រូបសុទ្ធតែមានអារម្មណ៍តានតឹង។ បញ្ហាស្រ្តេស និងតានតឹងក្នុងអារម្មណ៍សុទ្ធតែជាដើមហេតុធ្វើឱ្យឡើងទម្ងន់ ដូច្នេះ គួរតែរកវិធីធ្វើឱ្យខ្លួនឯងរីករាយ ឬសប្បាយចិត្ត មិនគួរបណ្ដោយខ្លួនតាមអារម្មណ៍មួរម៉ៅឡើយ។

ចំណាំ៖ ភាគច្រើននៃស្រ្តីក្នុងអំឡុងពេលពរពោះ និងក្រោយពេលសម្រាលកូន គីឡូរបស់ពួកគេឡើងខុសពីធម្មតា៕

វិធីងាយៗដើម្បីកម្ចាត់មុននៅលើផ្ទៃមុខ គឺគ្រាន់តែយកផ្លែ​ប៉េងប៉ោះ​លាងទឹកឱ្យស្អាត រួចយកមក​ចិត​ជា​បន្ទះៗ។ បន្ទាប់មកយកបន្ទះប៉េងបោះនោះ ​មក​ជូត​មុនលើ​ផ្ទៃមុខ​​ថ្នមៗមួយសន្ទុះ រួចលាងចេញជាមួយទឹកស្អាតជាការស្រេច។

វិធីនេះ មិនត្រឹមតែជួយព្យាបាលជំងឺមុននោះទេ ថែមទាំងជួយបន្ថយស្លាកស្នាមដែលបន្សល់ពីមុនចាស់ៗទៀតផង។ ជាមួយគ្នានេះ ដោយសារតែ ផ្លែប៉េងប៉ោះ ផ្ទុកវីតាមីន A, C, E និង​ B6​ ទើបវាជួយបើករន្ធញើស ដើម្បីឱ្យស្បែកទទួលយកសារធាតុចិញ្ចឹមពីប៉េងប៉ោះ ទៅចិញ្ចឹមស្បែកផ្ទៃមុខបានយ៉ាងល្អផងដែរ៕

ដូច្នេះ ស្រ្តីពរពោះគ្រប់រូប គួរតែព្យាយាមធ្វើឱ្យអារម្មណ៍ស្រស់ស្រាយ ទទួលទានដោយយកចិត្តទុកដាក់ អានសៀវភៅឱ្យបានច្រើន មើលវីដេអូ និងទេសភាពស្អាតៗ ដើម្បីឱ្យការលូតលាស់របស់ទារកមានភាពល្អប្រសើរ ហើយកូនកើតមកមានសុខភាពល្អ និងមានភាពវ័យឆ្លាត។

សូមបញ្ជាក់ថាៈ ការលើកឡើងខាងលើនេះ ជាវិធីសាស្រ្តងាយៗ ដែលមានប្រសិទ្ធិភាពខ្ពស់ ចំពោះម្ដាយនិងទារក ហើយចំពោះករណីទទួលទានចំណីអាហារ ធ្វើលំហាត់ប្រាណ និងករណីផ្សេងៗទៀត សូមធ្វើការពិគ្រោះជាមួយគ្រូពេទ្យទើបជាការប្រសើរបំផុត៕

ដូច្នេះ ប្រសិនបើសុភាពនារីគ្រប់រូប មិនចង់ធំក្លិនអាក្រក់លើបរិវេណដងខ្លួន មាត់ និងក្លៀក សូមធ្វើតែធ្វើតាមដំបូន្មានខាងក្រោមនេះ៖

១. បំបាត់ក្លិនក្លៀក
រាល់ពេលងូតទឹក សូមប្រើសាច់ជូរកូរជាមួយទឹកក្ដៅឧណ្ហៗ រួចយកមកដុសលាងនៅត្រង់បរិវេណក្លៀកឱ្យបានស្អាតជាការស្រេច សូមអនុវត្តបែបនេះឱ្យបានញឹកញាប់។ ប្រើប្រាស់ផលិតផលលាបបំបាត់ក្លិនក្លៀកឱ្យបានញឹកញាប់ ជាពិសេសពេលធ្វើដំណើរឆ្ងាយៗ និងត្រូវកំដៅថ្ងៃ។ រាល់ផលិតផលប្រើប្រាស់ ត្រូវប្រាកដថាសាកសមសម្រាប់ខ្លួន និងមិនប៉ះពាល់ដល់សុខភាព។ ដោយឡែក ក្នុងករណីប្រុងប្រយ័ត្ន បើក្លិនក្លៀកធំក្លិនខ្លាំង និងរមាស់របក មានកន្ទួល សូមរុះរាន់អញ្ជើញមកជួបជាមួយគ្រូពេទ្យ។

២. បំបាត់ក្លិនមាត់ 
ពេលទំពារស្ករកៅស៊ូ ជំនួយបំបាត់ក្លិនមាត់។ ផឹកទឹកឱ្យបានគ្រប់គ្រាន់ក្នុងមួយថ្ងៃ និងផឹកទឹកជាប្រចាំ ដើម្បីឱ្យសើម ឬមានសំណើមក្នុងប្រអប់មាត់។ រាល់ការបរិភោគអាហារ ដែលអ្នកដោយខ្លួនឯងថា មានក្លិនមិនល្អដល់មាត់ សូមខ្ពុរមាត់ ឬដុសធ្មេញ បន្ទាប់ពីទទួលទានអាហារទាំងនោះ។ ក្នុងករណីប្រុងប្រយ័ត្ន បើក្លិនមាត់ធំក្លិនស្អុយខុសពីធម្មតា និងមិនបាត់សោះទោះបីជាប្រើវិធីបំបាត់បែបណាក៏ដោយ អាចបណ្ដាលមកពីជំងឺក្នុងខ្លួន ដែលទាមទារឱ្យអ្នកប្រញាប់រុះរាន់ទៅជួបជាមួយគ្រូពេទ្យជាបន្ទាន់ ដើម្បីពិនិត្យធ្វើរោគវិនិច្ឆ័យ និងព្យាបាលឱ្យបានទាន់ពេលវេលា។

៣. បំបាត់ក្លិនខ្លួន     
ក្លិនខ្លួន គឺមិនមែនជារឿងធម្មតានោះទេ វាពិតជាធ្វើឱ្យប៉ះពាល់អារម្មណ៍ខ្លាំងណាស់ ជាពិសេសពេលចូលក្នុងចំណោមគេឯង។ ក្លិនខ្លួន បណ្ដាលមកពីក្រពេញនៅ​តាមបរិវេណ​ក្លៀក ប្រដាប់ភេទ ​ក្រលៀន គូទ និងសុដន់​ ​បញ្ចេញសារ​ធាតុ ដែលមានក្លិនមកខាងក្រៅ តាមរយៈការបែកញើស។ ជាមួយគ្នានេះ ការអនាម័យខ្លួនមិនបានដិតដល់ បណ្ដាលឱ្យមានក្អែល និងមេរោគ​ប្រមូលផ្ដុំ ជាមូលហេតុចម្បង​នាំឱ្យមានក្លិន​ខ្លួន។ ហើយការប្រែប្រួលលំនឹងជាតិអាស៊ីដបាស ឬហៅថា PH ក៏ជាមូលហេតុធ្វើឱ្យមានក្លិនផងដែរ។ អាស៊ីដបាស មានតួនាទីរក្សាតុល្យភាពអាស៊ីដនៅលើស្បែក ដូច្នេះ កាលណា អាស៊ីដបាស ប្រែប្រួលលំនឹង វានឹងបង្កឱ្យមានក្លិនខ្លួន៕