បុរស – Daily Wellness

តើកត្តាអ្វីខ្លះដែលបណ្ដាលឱ្យអ្នកកើតមុនខ្នង?

Phireak DW — Tue, 25 Feb 2025 13:59:59 +0000

ការស្រាវជ្រាវបានឱ្យដឹងថា មុនខ្នង ច្រើនតែកើតឡើងលើបុរស និងស្រ្តីដែលឈានចូលដល់វ័យពេញរូបពេញរាង ហើយភាគច្រើនបុរសកើតមុនខ្នងមានសភាពធ្ងន់ធ្ងរជាងស្រ្តី។

ក្នុងករណីអ្នកកើតជម្ងឺមុនខ្នងធ្ងន់ធ្ងរ គឺមុនខ្នងអាចបង្កទៅជាខ្ទុះ ឬប៉ោងរីកធំៗដូចជាបូស នឹងបង្កឱ្យមានការឈឺចាប់។ ប្រសិនបើគ្មានការព្យាបាល និងមិនថែទាំងសុខភាពឱ្យបានល្អទេ មុនខ្នងនឹងបន្តការកើតមានរហូតដល់មនុស្សអាយុ ៤០ ឆ្នាំ។

មុនខ្នង កើតរីករាលដាលត្រង់ស្មា ដៃ ទ្រូង និងគូថ…។ មុនខ្នង អាចមានជាមុនអុជខ្មៅ ឬជាមុនមានគ្រាប់ធំៗ នឹងរីករាលដាលលឿនជាងមុននៅលើផ្ទៃមុខ។

មានកត្តា ៤ យ៉ាងដែលជាមូលហេតុបង្កឱ្យកើតមានមុនខ្នងដូចជា៖

១- កង្វះលំហាត់ប្រាណក្នុងការបញ្ចេញញើស៖ ស្បែកខ្នងសម្បូរទៅដោយក្រពេញញើសដែលអាចផលិតជាតិខ្លាញ់បានច្រើន។ ដូច្នេះ ប្រសិនបើអ្នកកង្វះលំហាត់ប្រាណ ឬពលកម្មបញ្ចេញញើស នោះញើសដែលបញ្ចេញមកមានចំនួនតិចៗ ហើយញើសដែលនៅសេសសល់ក្នុងស្បែកនឹងក្លាយទៅជាកកបណ្ដាលឱ្យស្ទះរន្ធញើស ហើយបន្សល់ទុកនូវបាក់តេរីក្នុងរាងកាយ ជាពិសេសគឺត្រង់បរិវេណស្បែកខ្នង។ បាក់តេរីទាំងអស់នោះ នឹងបំផ្លាញកោសិការស្បែកបណ្ដាលឱ្យកើតមុន ហើយចំពោះអ្នកដែលកើតមុនខ្នងស្រាប់ អាចនឹងរីករាលដាលធ្ងន់ធ្ងរជាមុនថែមទៀតផង។

២- ធុញថប់(ស្ត្រេស)៖ អារម្មណ៍ធុញថប់ខ្លាំងពេក(ស្រ្តេស) បានធ្វើឱ្យអរម៉ូនគ្មានតុល្យភាពហើយមានប្រតិកម្មជាមួយអរម៉ូនអង់ដ្រូសែនបណ្ដាលឱ្យកើតមុនខ្នង។ ដូច្នេះហើយដោយសារតែ បុរសមានអរម៉ូនអង់ដ្រូសែនច្រើនជាងស្រ្តី ទើបបុរសកើតមុនខ្នងច្រើនជាងស្រ្តី។

៣- កង្វះអនាម័យខ្លួនប្រាណ៖ បើអ្នកអនាម័យខ្លួនប្រាណមិនបានស្អាតដូចជា បណ្ដោយឱ្យកខ្វក់ទុំលើស្បែកយូរ មិនសូវងូតទឹកហើយថែមទាំងមិនសូវដុសសាប៊ូ ព្រមទាំងស្លៀកសម្លៀកបំពាក់ប្រឡាក់ ក៏ជាមូលហេតុធ្វើកើតមុនខ្នងផងដែរ។

៤- ទទួលទានអាហារខ្វះជីវជាតិ៖ ការទទួលទានអាហារខ្វះជីវជាតិចំពោះស្បែក ក៏ជាមូលហេតុធ្វើឱ្យកើតមុនខ្នងដែរ ព្រោះជីវជាតិក្នុងអាហារចូលរួមចំណែកក្នុងការទប់ស្កាត់ និងព្យាបាលមុនខ្នង។

៥- ហ្សែន ឬតំណរពូជ៖ អ្នកខ្លះកើតមុនខ្នងដោយសារតែហ្សែនពីគ្រួសារ ឬគ្រួសារធ្លាប់មានប្រវត្តកើតមុនខ្នង ដូចជាឪពុកម្ដាយធ្លាប់កើតមុនខ្នង ដូច្នេះកូនក៏កើតមុនខ្នងដែរ៕

ប៉េងប៉ោះផ្ដល់គុណសម្បត្តិច្រើនចំពោះមេជីវិតបុរស

មករា — Mon, 24 Feb 2025 01:39:53 +0000

ប៉េងប៉ោះ ជាបន្លែមានផ្ទុកសារធាតុ លីកូពីន ខ្ពស់ ដែលជួយជម្រុញឱ្យក្រពេញពងស្វាសរបស់បុរស មានលក្ខណៈល្អប្រសើរ និងមានសមត្ថភាពខ្ពស់លែងព្រួយបារម្ភពីបញ្ហាអត់កូន។

បុរសៗ ទទួលទានផ្លែប៉េងប៉ោះ គឺកាត់បន្ថយការប្រឈមមុខនិងជម្ងឺមហារីកក្រពេញពងស្វាស ដល់ទៅ ៤៥ ភាគរយ។

ដូច្នេះ សម្រាប់បុរសៗដែលចង់បានសុខភាពមេជីវិតល្អ និងមានសមត្ថភាពខ្ពស់កាត់បន្ថយបញ្ហាប្រឈមអត់កូន គួរតែចាប់ផ្ដើមទទួលទានផ្លែប៉េងប៉ោះយ៉ាងហោចណាស់ឱ្យបាន ១០ ផ្លែ ឬច្រើនជាងនេះក្នុងមួយសប្ដាហ៍។

សូមបញ្ជាក់ថា៖ គួរទទួលទានផ្លែប៉េងប៉ោះទុំ ទើបមានប្រសិទ្ធភាពខ្ពស់ ហើយប្រសិនបើយកប៉េងប៉ោះទៅកំដៅភ្លើងថែមទៀតទើបរឹតតែអស្ចារ្យ ព្រោះប៉េងប៉ោះនឹងបញ្ចេញសារធាតុ លីកូពីន កាន់តែច្រើន ដែលជំនួយដល់សុខភាពមេជីវិតរបស់បុរសរឹតតែប្រសើរឡើង៕

បើអ្នកជាមនុស្សគេងយឺត និងភ្ញាក់លឿន គួរតែទទួលទានអាហារទាំងអស់នេះ

មករា — Thu, 06 Feb 2025 23:39:50 +0000

ជាទូទៅមនុស្សគេងយឺត និងភ្ញាក់លឿន គឺអាចមកពីគាត់ត្រូវបំពេញការងារពេញមួយយប់។ ដូច្នេះ សម្រាប់លោកអ្នកដែលចង់បង្កើនថាមពល និងពង្រឹងសុខភាពរបស់ខ្លួនទប់ទល់នឹងជម្ងឺដង្កាត់ផ្សេងៗ ដោយសារតែចូលគេងយឺត និងភ្ញាក់លឿន គួរតែទទួលទានអាហារទាំងអស់នេះ ដូចបានបញ្ជាក់ជូននៅខាងក្រោម។

– សាច់មាន ជាពិសេសទ្រូងមាន់តែម្ដង គឺជួយបង្កើនថាមពល ទប់ទល់នឹងការងងុយគេង។

– សាច់ត្រី សម្បូរអូមេហ្គា៣ (Omega-3) ជំនួយដល់សុខភាពបេះដូង និងជាពិសេសគឺកម្ចាត់ជាតិខ្លាញ់កូឡេស្តឺរ៉លមិនល្អចេញពីរាងកាយ។

– ទឹកដោះគូជូរ គឺជួយបំពេញថាមពលរាងកាយ ធ្វើឱ្យក្រពះឆាប់ឆ្អែត និងមិនធ្វើឱ្យអ្នកធាត់ ឬឡើងទម្ងន់។

– ទឹក៖ ពិសាទឹកឱ្យបានគ្រប់គ្រាន់ គឺជួយបង្កើនសំណើមដល់រាងកាយ ធ្វើឱ្យស្មារតីភ្លឺស្វាង មានកម្លាំងកំហែងនៅដល់យប់ជ្រៅ។

– បន្លែ និងសុខភាព សម្បូរទៅដោយជាតិកាកសរសៃ វីតាមីន រ៉ែ និងសារធាតុចិញ្ចឹមសំខាន់ៗ ដែលអាចផ្តល់ថាមពលដល់រាងកាយ មានជាតិខ្លាញ់ទាប និងគ្មានខ្លាញ់កូឡេស្តឺរ៉លដែលធ្វើឱ្យប៉ះពាល់ដល់សុខភាព។

គន្លឹះមួយចំនួនដែលឪពុកគួរតែស្វែងយល់ ដើម្បីជំរុញឲ្យកូនកើតមកមានសុខភាពល្អ និង IQ ខ្ពស់

មករា — Wed, 04 Dec 2024 22:50:22 +0000

មិនមែនអ្នកម្តាយត្រូវមានភារកិច្ចគ្រប់គ្រងកូនក្នុងផ្ទៃតែម្នាក់ឯងនោះទេ ក្នុងពេលមានផ្ទៃពោះ សូម្បីតែឪពុកក៏មានតួនាទីសំខាន់ដូចគ្នាដែរ ដើម្បីជួយជំរុញឲ្យកូនកើតមកមានសុខភាពល្អ និងកម្រិត IQ ខ្ពស់ (ជាកម្រិតនៃភាពឆ្លាតវៃ)។ ដូច្នេះ ប្រសិនបើចង់ឲ្យកូនរបស់អ្នកមានភាពឆ្លាតវៃ តើក្នុងនាមជាឪពុកគួរធ្វើដូចម្តេចខ្លះ?

ខាងក្រោមនេះ គឺជាគន្លឹះមួយចំនួនដែលឪពុកគ្រប់រូបគួរតែស្វែងយល់៖

ឧស្សាហ៍និយាយជាមួយកូនក្នុងផ្ទៃបើតាមអ្នកវិទ្យាសាស្ត្រ បានរកឃើញថា ទោះបីជាទារក្នុងផ្ទៃមិនអាចនិយាយស្តីបានក៏ពិតមែន តែពួគគេអាចស្តាប់សំលេងពីមជ្ឈដ្ឋានខាងក្រៅបាន។ ហេតុនេះ ការនិយាយទៅកាន់ទារក អាចជួយឲ្យពួកគេមានអារម្មណ៍រីករាយ និងទទួលបានភាពកកក្តៅបំផុត។ លើសពីនេះ វាអាចជួយឲ្យទារកលូតលាស់បានល្អ ទាំងរាងកាយ និងប្រាជ្ញាផងដែរ។

អង្អែលក្បាលពោះអ្នកម្តាយរៀងរាល់មុនពេលចូលគេង ឪពុកគ្រប់រូបគួរតែមានទម្លាប់ប្រើដៃអង្អែលក្បាលពោះប្រពន្ធឲ្យបាន ១៥នាទី ព្រោះវាអាចបង្កើតភាពស្និតស្នាល និងធ្វើឲ្យទារកមានសេចក្តីសុខផងដែរ។

ចាក់ចម្រៀងឲ្យកូនស្តាប់នៅពេលដែលមានទុកសោក ការស្តាប់ចម្រៀងពីរោះៗ អាចជួយឲ្យយើងរំសោយនូវទុក្ខកង្វល់បាន ហើយចំណែកឯទារកក្នុងផ្ទៃក៏ដូចគ្នាផងដែរ។ ចម្រៀង អាចធ្វើឲ្យទារកមានអារម្មណ៍ស្រស់ស្រាយ ជួយជំរុញឲ្យខួរក្បាលមានការលូតលាស់បានល្អ ហើយអ្នកម្តាយក៏មានអារម្មណ៍ល្អដូចគ្នា ដែលជាហេតុនាំតែភាពវិជ្ជមានដល់កូន។

ជូនប្រពន្ធ ទៅលំហែឲ្យបានច្រើនការដើរលេងកន្លែងដែលសប្បាយៗ មានទេសភាពប្លែកៗ និងខ្យល់ឱកាសបរិសុទ្ធ គឺជាឱសថដ៏ល្អសម្រាប់ជួយឲ្យអ្នកម្តាយមានសុខភាពល្អ ហើយទារកក៏មានការលូតលាស់ល្អដូចគ្នាដែរ។ ដូច្នេះ ស្វាមីទាំងឡាយគួរតែចំណាយពេលឲ្យបានច្រើនបន្តិច ជាពិសេសថ្ងសចុងសប្តាហ៍ គួរតែឌុបប្រពន្ធដើរលំហែឲ្យបានច្រើន។

ទង្វើប៉ុណ្ណាចំណុចខាងលើនេះ មិនត្រឹមតែជួយឲ្យម្តាយល្អប៉ុណ្ណោះ វាថែមទាំងជួយជំរុញឲ្យកូនរបស់លោកអ្នកមានភាពឆ្លាតវៃ និងគួរឲ្យស្រឡាញ់ផងដែរ៕

តួនាទីរបស់ស្វាមីក្នុងការមើលថែប្រពន្ធមានផ្ទៃពោះ

មករា — Sun, 17 Nov 2024 22:52:17 +0000

ការមើលថែទាំសុខភាពខណៈតាំងគភ៌ក្នុងអំឡុងពេលជិតប្រសូត ស្ត្រីមានគភ៌អាចនឹងមានអារម្មណ៍ធុញថប់តានតឹង និងកង្វល់ក្នុងចិត្តជាច្រើនរឿង តែរឿងនេះលោកប្តីអាចជួយបាន។ ថ្ងៃនេះមានគន្លឹះល្អៗក្នុងការមើលថែភរិយាដែលមានផ្ទៃពោះគ្រប់ខែជិតប្រសូត 9ចំណុចងាយៗ ដែលស្វាមីអាចធ្វើបានយ៉ាងពិតប្រាកដ។

ចំណីអាហារ ៖ ស្វាមីត្រូវមើលថែទាំរឿងអាហារការហូបចុកសម្រាប់ភរិយាមានគភ៌តាំងពីអំឡុងពេលដំបូងៗ ជាពិសេសការជួយឱ្យភរិយាបានញ៉ាំអាហារគ្រប់5ប្រភេទក្រុមយ៉ាងគ្រប់គ្រាន់ ហើយក្នុងអំឡុងត្រីមាសចុងក្រោយ ត្រូវមើលថែទាំរឿងអាហារយ៉ាងស័ក្តិ-សម ព្រោះអំឡុងពេលចុងក្រោយនៃការតាំងគភ៌ ស្ត្រីមានគភ៌ត្រូវប្រយ័ត្នរឿងទម្ងន់ខ្លួនឡើងខ្លាំងជ្រុល។ គួរញ៉ាំអាហារដែលស្អាត ប្រយ័ត្នមេរោគ និងការឆ្លងមេរោគ រឹតតែបើឆ្លងមេរោគខាងផ្លូវអាហារផងនោះ វាអាចនឹងជំរុញឱ្យប្រសូតមុនកំណត់បាន។

ការហាត់ប្រាណ ៖ មុនពេលប្រសូតស្ត្រីមានគភ៌អាចមិនសូវជាស្រួលសប្បាយខ្លួនប៉ុន្មានឡើយ តែក៏នៅតែអាចហាត់ប្រាណស្រាលៗ ដើម្បីសម្រាលអាការចុករួយបានដែរដោយស្វាមីអាចនឹងហាត់ប្រាណកំដរជាមួយ ឬនៅចាំធ្វើម៉ាស្សាខ្នងផ្នែកខាងក្រោម ធ្វើម៉ាស្សា-កស្មា ដើម្បីសម្រាលភាពតានតឹងរបស់សាច់ដុំ ជួយត្រៀមទឹកក្តៅឧណ្ហៗសម្រាប់ត្រាំបាតជើង ធ្វើម៉ាស្សាជើង ក៏នឹងជួយកាត់បន្ថយអាការហើមជើងរបស់ភរិយាបានយ៉ាងល្អដែរ។

នៅចាំសង្កេតមើលអាការខុសប្រក្រតីដែលត្រូវប្រញាប់នាំទៅមន្ទីរពេទ្យ ៖ ស្ត្រីមានគភ៌ថ្មីថ្មោងដែលនៅមិនទាន់មានបទពិសោធ ត្រូវអាស្រ័យការសង្កេតមើលពីសំណាក់ស្វាមីផងដែរ ដោយអាការខុសប្រក្រតីដែលបញ្ជាក់ប្រាប់អំពីការប្រសូតមានដូចជា ពោះឡើងរឹង ឈឺពោះជិតប្រសូត និងបែកទឹកភ្លោះជាដើម។ ស្វាមីអាចប្រឹក្សាជាមួយគ្រូពេទ្យឱ្យដឹងច្បាស់ថា តើអាការបែបណាទើបហៅថា បែកទឹកភ្លោះ ឬមានទឹករំអិលឈាមចេញតាមរន្ធស្បូន បញ្ជាក់ពីសភាវដែលមាត់ស្បូនបើកជាដើម។ ក្រៅពីនេះស្វាមីត្រូវនៅចាំសង្កេតមើល បើកូនក្នុងផ្ទៃមិនសូវរើ ឬមិនរើតែម្តង ឬភរិយាមានអាការខុសប្រក្រតីពាក់ព័ន្ធនឹងរោគជ្រៀតជ្រែក ឬជំងឺប្រចាំកាយផង ព្រោះអំឡុងពេលចុងក្រោយរបស់ការមានគភ៌នេះមានភាពប្រថុយប្រថានខ្ពស់ ការប្រែប្រួលខាងរាងកាយ ឬអ័រម៉ូនប្រែប្រួល បើរោគទាំងនោះកម្រើកឡើងអាចហុចផលប៉ះពាល់ដល់ជីវិតរបស់ភរិយា និងកូនបាន។

យកចិត្តទុកដាក់យ៉ាងល្មមសមរម្យ ៖ ក្រៅពីនៅចាំសង្កេតមើលអាការខុសប្រក្រតីហើយនោះ គួរសួរនាំពីអាការ និងបបួលភរិយាធ្វើកិច្ចការងាររួមគ្នា ដើម្បីបន្ធូរបន្ថយខាងអារម្មណ៍ ដូចជា ធ្វើម្ហូបម្ហា មើលកុន ស្តាប់ភ្លេងជាមួយគ្នានៅនឹងផ្ទះ ព្រោះភរិយាអាចនឹងមិនងាយស្រួលក្នុងការចេញទៅក្រៅជាដើម។

និយាយលេងជាមួយភរិយា និងកូនក្នុងផ្ទៃភរិយា ៖ ក្រៅពីបន្ធូរបន្ថយអារម្មណ៍ភរិយាហើយ នៅជាវិធីជំរុញវិវឌ្ឍនាការរបស់កូនតូចបានទៀតផង។

ត្រៀមខ្លួនមុនប្រសូត ៖ ចាប់ផ្តើមពីការប្រឹក្សាជាមួយគ្រូពេទ្យពាក់ព័ន្ធនឹងវិធីការប្រសូត ទោះជាភរិយាចង់ជ្រើសរើសយកការវះប្រសូត ឬប្រសូតតាមធម្មជាតិក៏ដោយ ព្រោះទាំង2បែបមានការត្រៀមខ្លួន និងការមើលថែទាំខុសប្លែកពីគ្នា។

ស្វាមីគួរមានចំណែករួមក្នុងការពិចារណាជ្រើសរើសមន្ទីរពេទ្យ ៖ មិនថាតែរឿងរបស់ភរិយាដែលមានជំងឺប្រចាំកាយ ឬរឿងរបស់កូនតូចក្រោយពេលប្រសូតនោះឡើយ។ ការពិចារណាពីមន្ទីរពេទ្យដែលមានអ្វីៗគ្រប់ ជ្រើសរើសក្រុមគ្រូពេទ្យដែលមានអារម្មណ៍ជឿជាក់ក្នុងចិត្ត នឹងជួយឱ្យមានអារម្មណ៍សប្បាយនឹងធូរស្រាលបាន។

ជាអ្នកមើលថែទាំភរិយាពេលជិតប្រសូត ៖ ស្វាមីគួរនៅមើលថែទាំភរិយាយ៉ាងជិតដិតគ្រប់ពេលវេលា តែបើមានធុរៈប្រញាប់បន្ទាន់ឬមិនអាចនៅមើលបាន គួរឱ្យសាច់ញាតិជិតស្និទ្ធ ដូចជា ឪពុកក្មេកម្តាយក្មេក បងប្អូនខាងខ្លួនឯង ឬសាច់ថ្លៃ មកជួយមើលថែទាំភរិយាយ៉ាងជិតដិតផង។

រៀបចំចាត់ត្រៀមសភាពបរិស្ថានជុំវិញខ្លួនសម្រាប់កូនតូច ៖ មិនថាជាឧបករណ៍ របស់របរប្រើប្រាស់សម្រាប់កូនតូចបន្ទប់គេងរបស់កូន ទីកន្លែងសម្រាប់កូនតូច ចាត់ចែងរៀបចំសភាពខាងក្នុងផ្ទះឱ្យរួចជាស្រេច2ខែមុននឹងដល់កំណត់ប្រសូត៕

មូលហេតុដែលអ្នកកើតជំងឺទឹកនោមផ្អែម គួរឈប់ជក់បារី

សុវណ្ណឌី — Fri, 08 Nov 2024 07:20:41 +0000

នៅពេលដែលអ្នកជក់បារី ជាតិនីកូទីន នឹងជ្រាបចូលទៅក្នុងចរន្តឈាម ហើយផ្លាស់ប្តូរតម្រូវការអុកស៊ីសែន ការរំលាយអាហារ និងដំណើរការផ្លូវចិត្ត…។ ក្រៅពីនេះ ជាតិនីកូទីន អាចធ្វើឲ្យសរសៃឈាមវែនតូចៗស្រូបយកអាំងស៊ុយលីនមានការថយចុះ នាំឲ្យមានការលំបាកក្នុងការគ្រប់គ្រងជាតិស្ករក្នុងឈាម ជាពិសេសសម្រាប់អ្នកជំងឺទឹកនោមផ្អែម។

ការជក់បារី គឺជាមូលហេតុនៃការកើតជំងឺមហារីកសួត រលាកទងសួតរ៉ាំរ៉ៃ ជំងឺសរៃឈាមបេះដូង ដាច់សសៃឈាមខួរក្បាល ជំងឺតម្រងនោម និងជំងឺជាច្រើនទៀត…។

ចំពោះអ្នកជំងឺទឹកនោមផ្អែម ដែលមានទម្លាប់ជក់បារី អាចប្រឈមនឹងអត្ថត្រាមរណភាព និងជំងឺបេះដូងមានចំនួនខ្ពស់ជាងអ្នកមិនជក់២ដង។

អ្នកឯកទេសខាងជំងឺបេះដូង បានចាត់ទុកថា ការជក់បារី និងជំងឺទឹកនោមផ្អែម គឺជាកត្តាចម្បងដែលនាំឲ្យមានជំងឺសរៃឈាមបេះដូង។ នៅពេលអ្នកជក់បារី កាបូនឌីអុកស៊ីត នឹងជ្រាបចូលក្នុងរាងកាយ ហើយរារាំងដល់អុកស៊ីសែន មិនឲ្យរួមផ្សំជានឹងកោសិកាឈាមក្រហមឡើយ។ ដូច្នេះដើម្បីទូទាត់សង រាងកាយនឹងបង្កើនការផលិតកោសិកាឈាមក្រហម ហើយវាគឺជាកត្តាមួយក្នុចំណោមកត្តាជាច្រើនដែលបង្កើនផលវិបាកនៃការខ្សោយតម្រងនោម ខ្វាក់ភ្នែក ដំបៅដាច់ជើង ដាច់សរសៃឈាមខួរក្បាល ចំពោះអ្នកកើតជំងឺទឹកនោមផ្អែម។

បើយោងតាមស្ថិតិ អ្នកជំងឺទឹកនោមផ្អែមប្រភេទទី២ ដែលជក់បារីមានហានិភ័យកើនឡើងធ្វេដង ជាពិសេសចំពោះស្ត្រីមានផ្ទៃពោះដែលជក់បារី វាជាមូលហេតុដែលនាំឲ្យមានការរលូតកូន និងកើតមិនគ្រប់ខែ។

ច្បាស់ណាស់ បារីមិនត្រឹមតែបង្កឲ្យមានផលវិបាកធ្ងន់ធ្ងរចំពោះតែអ្នកជំងឺទឹកនោមផ្អែមនោះទេ វាក៏បង្កើនូវលទ្ធភាពនៃការវិវត្តទៅជាជំងឺទឹកនោមផ្អែមចំពោះអ្នកជក់បារីផងដែរ។ ដូច្នេះ អ្នកជំងឺទឹកនោមផ្អែមគួរនៅឲ្យឆ្ងាយពីបារី៕

តិចនិច! អនុវត្តតាមវិធីរបស់ជប៉ុនមួយនេះត្រឹមតែ ៥ទៅ១០នាទី ស្ត្រេសនឹងរលាយបាត់

សុវណ្ណឌី — Thu, 07 Nov 2024 03:06:44 +0000

ដោយសារតែសំពាធការងារ និងកត្តាស្ថានភាពរស់ប្រចាំថ្ងៃ អាចធ្វើឲ្យមនុស្សជាច្រើនត្រូវប្រឈមនឹងបញ្ហាស្ត្រេស។ វាជារឿងធម្មតាទេ សម្រាប់មនុស្សដែលមានបញ្ហាស្ត្រេសក្នុងរយ:ពេលមួយដ៏ខ្លី តែបើយើងមិនឆាប់ដោះស្រាយ វានឹងបង្កទៅជាជំងឺបាក់ទឹកចិត្ត ថប់អារម្មណ៍ គាំងបេះដូង ដាច់សរសៃឈាមខួរក្បាល និងក្អួតចង្អោរជាដើម។

មានវិធីសាស្ត្រជាច្រើនសម្រាប់បំបាត់បញ្ហាស្ត្រេស ដូចជាធ្វើលំហាត់ប្រាណឲ្យបានទៀងទាត់ ឧស្សាហ៍ដើរលេងជាមួយមិត្តភក្តិ ធ្វើយូហ្គា ឬម៉ាស្សាជាដើម។ ប៉ុន្តែនៅមានវិធីសាស្រ្តរបស់ជប៉ុនមួយបែបទៀតអាចបំបាត់ស្ត្រេសក្នុងរយ:ពេល៥នាទីប៉ុណ្ណោះ គឺការម៉ាស្សាម្រាម។

ដំបូងយកដៃស្តាំ ទៅក្តាប់ម្រាមដៃខាងឆ្វេងណាមួយឲ្យណែនរហូតដល់អ្នកមានអារម្មណ៍ដឹងថា មានជីបចរលោតនៅម្រាមដៃនោះ។ ធ្វើបែបនេះឲ្យបានគ្រប់ម្រាមដៃ ហើយប្តូរយកដៃឆ្វេងទៅក្តាប់ដៃស្តាំម្តងវិញ។

ប្រសិនបើលោកអ្នកអនុវត្តដូចវិធីខាងលើនេះ នឹងទទួលបានអត្ថប្រយោជន៍ជាច្រើន៖
១.មេដៃ ជួយបំបាត់ការព្រួយបារម្ភ និងការថប់អារម្មណ៍
២.ចង្អុលដៃ ជួយប្រឆាំងនឹងភាពភ័យខ្លាចរបស់អ្នក
៣.ដៃកណ្តាល ជួយគ្រប់គ្រងកំហឹងខ្លួនឯង
៤.ដៃនាង ជួយបំបាត់ភាពស្រងេះស្រងោច និងជំងឺបាក់ទឹកចិត្ត
៥.ដៃកូន ជួយបន្ថយភាពតានតឹង បង្កើនភាពសុទិដ្ឋិនិយម និងការជឿជាក់លើខ្លួនឯង៕

ទឹកឃ្មុំ មានប្រសិទ្ធភាពអាចធ្វើឱ្យបបូរមាត់ស៊ីជម្ពូបាន ដោយគ្រាន់តែអនុវត្តតាមវិធីនេះ

សុវណ្ណឌី — Thu, 07 Nov 2024 03:01:21 +0000

គ្មាននរណាម្នាក់ចង់បានបបូរមាត់ពណ៌ខ្មៅនោះទេ តែសុបិន្តអាក្រក់មួយនេះ កើតឡើងដោយសារតែកត្តាផ្សេងៗជាច្រើន រួមទាំងកត្តាហ្សែន ការជក់បារី ឬការប្រែប្រួលកម្រិតអ័រម៉ូនជាដើម។

ទោះជាយ៉ាងណា បញ្ហានេះអាចដោះស្រាយបាន ដោយប្រើប្រាស់ឱថសធម្មជាតិមិនចាំបាច់ចំណាយប្រាក់ឡើយ។ ទឹកឃ្មុំ ត្រូវបានគេទទួលស្គាល់ថា ជាឱសថដ៏មានប្រសិទ្ធភាពបំផុត ក្នុងការប្រែក្លាយបបូរមាត់ខ្មៅ ឲ្យប្រែក្លាយជាទន់រលោង ពណ៌ស៊ីជម្ពូ ដូចត្របកផ្កាកុលាបអញ្ចឹង។

របៀបអនុវត្ត៖
១.ប្រើទឹកឃ្មុំសុទ្ធ អនុវត្តនៅលើបបូរមាត់មុនពេលចូលគេង។
២.ទុកចោលពេញមួយយប់ ពេលព្រឹកឡើងទើបលាងសម្អាតជាមួយទឹកក្តៅឧណ្ឌៗ។
៣.សូមព្យាយាមធ្វើរបៀបនេះជារៀងរាល់ថ្ងៃកុំឲ្យខាន បបូរមាត់របស់អ្នកនឹងប្រែជាពណ៌ស៊ីជម្ពូបន្តិចម្តងៗរហូតដល់បំណង៕

កូនមិនព្រមគេងថ្ងៃ តើអ្នកម្ដាយគួរធ្វើដូចម្ដេច?

សុវណ្ណឌី — Fri, 01 Nov 2024 02:08:16 +0000

បញ្ហាកូនមិនព្រមគេងថ្ងៃអាចប្រទះឃើញទាំងនៅលើក្មេងតូច និងក្មេងក្នុងវ័យរៀន ការគេងគឺជារឿងសំខាន់សម្រាប់កុមារ ព្រោះការគេងលក់ស្រួលពេញលេញជួយបង្កើនវិវឌ្ឍនាការផ្នែកផ្សេងៗរបស់រាងកាយ និងវិវឌ្ឍនាការផ្នែកខួរក្បាល។ ក្មេងក្នុងវ័យនីមួយៗមានរយៈពេលគេងនិងអំឡុងពេលគេងខុសប្លែកពីគ្នា ឥឡូវសូមអ្នកម្តាយនាំគ្នាមកមើលថា តើការគេងលក់ក្នុងវ័យនីមួយៗរបស់កូនយ៉ាងណាខ្លះ? ដូចតទៅ ៖

អាថ៌កំបាំងនៃការគេងរបស់ក្មេងដែលមនុស្សធំគួរដឹង

ជាទូទៅយើងនឹងឃើញថា ទារកទើបនឹងកើតនេះគេងលក់ស្ទើរតែគ្រប់ពេលវេលា តែជឿទេថា ដែលយើងឃើញថា ទារក កំពុងគេងលក់នោះ ការពិតទៅកូនតូចមិនបានគេងលក់ពេញលេញមែនទែននោះទេ ព្រោះមិនថាពេលគេងលក់ ឬពេលភ្ញាក់នោះទេ ខួរក្បាលតូចៗរបស់ទារកបែរជាស្វាហាប់ក្លៀវក្លាគ្រប់ពេលវេលា ដោយអ្នកស្រាវជ្រាវ និងអ្នកជំនាញការបានណែនាំលោកឪពុកអ្នកម្តាយថ្មោងថ្មីថា មិនចាំបាច់ធ្វើឱ្យបន្ទប់គេងស្ងប់ស្ងាត់ជ្រុលពេកទេ អាចបើកបទភ្លេងកំដរស្រាលៗ បើកភ្លើងភ្លឺព្រាលៗ ឬមានសំឡេងជជែកគ្នារវាងឪពុកម្តាយស្ងាត់ៗ វានឹងហុចផលល្អ ព្រោះកូនតូចអាចនឹងកំពុងផ្អៀងត្រចៀកចាំស្តាប់សំឡេងរបស់លោកអ្នកក៏អាចថាបានដែរ រឹតតែសំឡេងរបស់លោកឪពុកអ្នកម្តាយផងនោះ រឹតតែធ្វើឱ្យគេមានអារម្មណ៍កក់ក្តៅក្នុងចិត្តខ្លាំងឡើងទៀតផង។

បន្ទាប់មកលោកឪពុកអ្នកម្តាយគួរយល់ដឹងអំពីរយៈពេលដែលក្មេងត្រូវការគេងសម្រាកក្នុងអំឡុងវ័យរបស់គេ អ្នកជំនាញការខាងពេទ្យកុមារ បានអធិប្បាយអំពីអំឡុងពេលនៃការគេងសម្រាករបស់កុមារដូចតទៅ៖

– កុមារវ័យ1-2ឆ្នាំ៖ នឹងគេងក្នុងមួយថ្ងៃប្រមាណជា12ម៉ោង ដោយគេងនៅពេលថ្ងៃប្រមាណជា1ម៉ោង។
– កុមារវ័យមត្តេយ្យ វ័យ3-5ឆ្នាំ៖ នឹងគេងប្រមាណជា8-12ម៉ោង ឯការគេងលក់នៅពេលថ្ងៃវិញ អាស្រ័យលើកុមារម្នាក់ៗ និងកិច្ចការងារដែលបានធ្វើក្នុងមួយថ្ងៃៗថា តើវាសាងនូវភាពនឿយហត់អស់កម្លាំងខ្លាំងប៉ុនណា?
– កុមារវ័យ5-6ឆ្នាំ៖ កុមារក្នុងវ័យនេះមានចំនួនច្រើនណាស់ដែលមិនព្រមគេងថ្ងៃ ដូច្នេះមិនចាំបាច់កង្វល់ទេ បើនៅពេលយប់ក្មេងបានគេងលក់គ្រប់គ្រាន់ តែកិច្ចការងារនៅពេលរសៀលវាគួរតែជាកិច្ចការងារស្រាលៗ ដើម្បីឱ្យកុមារមានអារម្មណ៍ធូរស្រាល។

ពាក្យណែនាំសម្រាប់លោកឪពុកអ្នកម្តាយ
ដំបូងគេ គឺមិនគួរឱ្យកូនចូលគេងយប់ជ្រៅទេ គួរបង្ហាត់ឱ្យភ្ញាក់ពីព្រឹករហូតក្លាយជារឿងប្រក្រតី សម្រាប់ថ្ងៃឈប់សម្រាកដែលមិនបានទៅរៀន គួរនាំកូនតូចធ្វើកិច្ចការងារផ្សេងៗ ឬនាំកូនហាត់ប្រាណនៅពេលព្រឹក ឬពេលថ្ងៃៗបន្តិច ដើម្បីឱ្យក្មេងបានប្រើប្រាស់កម្លាំងថាមពល លុះដល់ពេលរសៀលកូននឹងបានងងុយ ហើយគេងលក់បានស្រួលតែម្តង៕

ផ្លែឈើ៥មុខនេះ មានសមត្ថភាពក្នុងការលាងសម្អាតជាតិពុលចេញពីថ្លើម

សុវណ្ណឌី — Tue, 29 Oct 2024 02:19:15 +0000

ថ្លើម គឺជាសរីរាង្គដ៏សំខាន់នៅក្នុងរាងកាយ ដែលមានតួនាទីច្រោះយកជាតិពុលតាមរយៈចំណីអាហារដែលអ្នកទទួលទានរាល់ថ្ងៃ ប៉ុន្តែបើចំណីអាហារមានជាតិពុលច្រើនពេក ថ្លើមមិនអាចច្រោះអស់នោះទេ ហើយយូរៗទៅច្បាស់ជាកើតជំងឺផ្សេងៗជាពុំខាន។

ដូច្នេះហើយ តើធ្វើដូចម្តេចដើម្បីថែរក្សាថ្លើមឲ្យមានសុខភាពល្អ? បើយោងតាមអ្នកជំនាញបានបង្ហាញថា ថ្លើម អាចថែរក្សាឲ្យមានសុខភាពល្អជារៀងរហូតបាន ប្រសិនបើអ្នកទទួលទានផ្លែឈើ៥ប្រភេទនេះញឹកញាប់។

១.ក្រូចថ្លុង
ក្រូចថ្លុង មានសារធាតុជំរុញដល់ការផលិត និងសកម្មភាពរបស់អង់ស៊ីម ដែលអាចជួយក្នុងការបន្សាបជាតិពុលចេញពីថ្លើម។ លើសពីនេះទៅទៀត វាអាចលុបបំបាត់សារធាតុដែលបង្កជំងឺមហារីកចេញពីថ្លើមពូកែបំផុត។

២.ក្រូចពណ៌លឿង ឬក្រូចឃ្វិច
សារធាតុចិញ្ចឹម ដែលគេរកឃើញនៅក្នុងក្រូចទាំងបេះមានសមត្ថភាពគាំទ្រដល់សុខភាពនៃថ្លើម យ៉ាងពូកែ។ លើសពីនេះទៅទៀត សារជាតិប្រឆាំងអុកស៊ីតកម្មនៅក្នុងក្រូចពណ៌លឿង ឬក្រូចឃ្វិច ក៏អាចជួយលាងសម្អាតប៉ារ៉ាស៊ីតនៅក្នុងថ្លើម និងបញ្ចេញជាតិពុលនៅក្នុងថ្លើមផងដែរ។

៣.ក្រូចឆ្មារ
ក្រូចឆ្មារ អាចជួយជំរុញដល់ការបន្សាបជាតិពុល និងតុល្យភាពនៃកម្រិត PH នៅក្នុងរាងកាយ។ ក្រូចឆ្មារមានផ្ទុកវីតាមីន C ដែលអាចជួយជំរុញដល់ថ្លើម ក្នុងការបំបាត់ខ្លាញ់ និងកាកសំណល់ពុលចេញពីរាងកាយ។

៤.ផ្លែប៊ឺរ
ផ្លែប៊ឺរ មានជាតិសរសៃ ខ្លាញ់មានសុខភាពល្អ វីតាមីនB វីតាមីនC និងវីតាមីនE ដែលល្អសម្រាប់សុខភាពថ្លើម។ ជាពិសេសសារធាតុប្រឆាំងអុកស៊ីតកម្មរបស់វា អាចធ្វើឲ្យប្រសើរឡើងនូវលទ្ធភាពនៃការសម្អាតថ្លើម។

៥.ផ្លែប៉ោម

ផ្លែឈើមួយប្រភេទនេះក៏អាចកម្ចាត់ជាតិពុលចេញពីថ្លើមដែរ ព្រោះវាមានប្រយោជន៍ក្នុងការបន្សាបជាតិពុល។ មិនតែប៉ុណ្ណោះផ្លែប៉ោម មានផ្ទុកជាតិសរសៃដែលហៅថា pectin ដែលអាចជួយឲ្យរាងកាយលុបបំបាត់លោហៈធ្ងន់ ដែលប្រមូលពីអាហារ ហើយលុបបំបាត់បាក់តេរីក្នុងពោះវៀន បំពង់ក ការពារជំងឺថ្លើម និងបញ្ហាស្បែកផងដែរ៕

មូលហេតុធំៗ 4យ៉ាងនៃការកើតមុន ដែលអ្នកគួរតែដឹង

សុវណ្ណឌី — Mon, 28 Oct 2024 00:48:09 +0000

បញ្ហាកើតមុន ការពិតទៅគឺជារឿងធម្មតាៗដែលអាចកើតលើមនុស្សគ្រប់រូប តែធម្មជាតិរបស់ស្បែកមុខរបស់មនុស្សយើងខុសប្លែកពីគ្នា ទើបហុចផលដល់ផ្ទៃមុខរបស់មនុស្សម្នាក់ៗមិនដូចគ្នា ធ្វើឱ្យអ្នកខ្លះកើតមុនច្រើន ឯអ្នកខ្លះកើតមុនតិច ដូច្នេះថ្ងៃនេះ Daily Wellness មានមូលហេតុនៃការកើតមុនមកជម្រាបជូនដូចតទៅ។

1/ ពូជអម្បូររបស់បុគ្គលម្នាក់ ធ្វើឱ្យស្បែកខុសប្លែកពីគ្នាទាំងគ្រោងសាងរបស់ស្បែក ការសាងសារធាតុខ្លាញ់ដែលច្រើន ឬតិចជ្រុលពេក សមត្ថភាពក្នុងការជួសជុលស្បែកក្នុងអំឡុងពេលកើតមុន និងការជួសជុលនៅពេលជាពីអាការក្លាយរបស់មុនហើយ។

2/ ចូលចិត្តរញ៉េរញ៉ៃជាមួយផ្ទៃមុខ ដូចជា ចាប់ ប៉ះ អង្អែល កេះ អេះផ្ទៃមុខញឹកញាប់។ កុំភ្លេចថា ដៃរបស់អ្នកបានទៅចាប់ប៉ះអ្វីមកខ្លះក្នុងមួយថ្ងៃៗ បើអ្នកមិនបានលាងដៃ ហើយមកផ្ទៃមុខញឹកញាប់ ក៏អាចបង្កឱ្យកើតការរមាស់ក្រហាយ ឬនាំមេរោគបាក់តេរីមក ធ្វើឱ្យមុនដែលមានស្រាប់កើតការរលាកក្លាយបានទៀតផង។ ការដុសខាត់មុខញឹកញាប់ អាចក្លាយជាមូលហេតុមុនរីករាលដាលបាន ព្រោះពេលដែលយើងដុសខាត់មុខ នោះមានន័យថា អ្នកកំពុងធ្វើឱ្យស្បែកមុខក្រាស់ឡើងដោយមិនដឹងខ្លួន ធ្វើឱ្យរន្ធរោមត្បៀតតូច ជាតិខ្លាញ់ដែលគួរតែចេញមក ក៏ចេញមកមិនបាន (ដុសខាត់មុខបាន តែកុំញឹកញាប់ បើកំពុងកើតមុនក៏កុំដុសខាត់ រង់ចាំឱ្យជាសិនសឹមធ្វើ) ការលុបលាងមុខញឹកញាប់ជ្រុលពេក ឬច្រើនជាង2ដងក្នុងមួយថ្ងៃ នឹងក្លាយជាការជំរុញក្រពេញជាតិខ្លាញ់ឱ្យធ្វើការងារខ្លាំងខុសប្រក្រតី និងទង្វើមួយចំនួនដែលរុកគួនរំខានស្បែកមុខ ដូចជា អ្នកខ្លះចូលចិត្តយកដៃសើយសក់ក្បាល អ្នកខ្លះចូលចិត្តយកដៃច្របាច់ច្រមុះ យកទូរស័ព្ទដាក់ផ្អឹបនឹងថ្ពាល់ពេលសន្ទនា ឬចូលចិត្តអង្គុយយកដៃច្រត់ចង្កា ឬថ្ពាល់ជាប្រចាំជាដើម។

3/ កិច្ចការងារប្រចាំថ្ងៃផ្សេងៗ ដូចជា ការមិនថែសម្អាត ការលុបលាងមុខ ឬគ្រឿងសម្អាងមិនស្អាត ការប្រើប្រាស់ផលិតផលបិទបាំងចំណុចមិនល្អផ្សេងៗលើផ្ទៃមុខ ឬគ្រឿងសម្អាងដែលមានជាតិខ្លាញ់ជាគ្រឿងផ្សំ ការប្រើគ្រីម ឬម្សៅដែលអាចជាដើមហេតុរបស់មុនលើផ្ទៃមុខ ការពាក់មួកសុវត្ថិភាពដោយមិនដែលបោកគក់សម្អាត ការគេងផ្អៀងហើយទឹកមាត់ហៀរចេញមកប្រឡាក់ថ្ពាល់ អាជីពចុងភៅដែលបានទទួលផ្សែងពីសារធាតុពពួកខ្លាញ់ និងប្រេងផ្សេងៗ ជាងម៉ាស៊ីនដែលធ្វើការជាមួយប្រេង និងអ្នកដែលប្រើក្រដាសកាបូនញឹកញាប់ជាដើម។

4/ លាងសម្អាតមុខខុសវិធី កុំគិតដោយខ្លួនឯងថា ត្រឹមតែការប្រើហ្វូមលុបលាងមុខធម្មតានឹងជួយឱ្យស្បែកមុខរបស់អ្នកស្អាតបែបហ្មត់ចត់នោះ ឬទោះជាយកដៃស្ទាបមុខហើយ ក៏មិនមានអារម្មណ៍ថាមានជាតិខ្លាញ់នៅសេសសល់ ឬមានអ្វីនៅជាប់លើស្បែកមុខទៀតឡើយ ព្រោះគ្រឿងសម្អាងដែលអ្នកបំពោកទៅលើផ្ទៃមុខនោះ វាមិនអាចលាងចេញបានដោយសាប៊ូហ្វូមលាងមុខតែម្យ៉ាងនោះទេ ទីបំផុតគ្រឿងសម្អាងទាំងនោះក៏នឹងទៅលាយផ្សំជាមួយសាប៊ូហ្វូមលាងមុខនោះរហូតកើតការញ៉ុកណែនក្នុងរន្ធរោមធ្វើឱ្យមុនផុសឡើង និងរួមទៅដល់អ្នកដែលមិនតុបតែងមុខ លុះមុខមានជាតិខ្លាញ់ឡើងច្រើន ក៏គិតតែពីលាងមុខពេញមួយថ្ងៃ ដែលជំនួសឱ្យការបាត់មុន វាក្លាយជាការជំរុញឱ្យមុនកើតកាន់តែច្រើនឡើងទៅវិញ៕

យល់ដឹង! គេងច្រើនពេកអាចប្រឈមនឹងបញ្ហាសុខភាពច្រើនយ៉ាង

សុវណ្ណឌី — Tue, 10 Sep 2024 06:56:11 +0000

រាងកាយរបស់មនុស្សម្នាក់ៗត្រូវការពេលសម្រាកគ្រប់គ្រាន់បន្ទាប់ពីធ្វើការពេញមួយថ្ងៃ ដើម្បីស្តារថាមពល និងជួសជុលកោសិកាខូចខាតមួយចំនួនឲ្យត្រលប់មកដូចដើមវិញ។ តែទោះជាយ៉ាងណា ការគេងច្រើនពេកក៏មិនល្អដែរ ព្រោះវាអាចធ្វើឲ្យអ្នកត្រូវប្រឈមនឹងបញ្ហាសុខភាពច្រើនយ៉ាង។

– មានហានិភ័យនៃជំងឺបេះដូង និងដាច់សរសៃឈាមខួរក្បាល
– បង្កើនហានិភ័យនៃភាពធាត់
– ប្រឈមនឹងជំងឺទឹកនោមផ្អែម
– កើតជំងឺឈឺក្បាល
– ក្លាយជាមនុស្សកើតជំងឺធ្លាក់ទឹកចិត្ត
– កើតជំងឺឈឺឆ្អឹងខ្នង
– ខួរក្បាលដំណើរការមិនល្អ
– កត្តាជីវិសាស្ត្រនៃរាងកាដំណើរកាខុសប្រក្រតី។

ដូច្នេះ ដើម្បីគេចផុតពីហានិភ័យផ្សេងៗ និងថែរក្សាសុខភាពឲ្យនៅល្អជានិច្ច អ្នកគួរតែគេងត្រឹមតែ ៧ទៅ៨ម៉ោង ក្នុងមួយថ្ងៃបានហើយ៕