មាតា & ទារក – Daily Wellness

តើកូនក្មេងអាចចាប់ផ្ដើមញ៉ាំស៊ិតបាននៅពេលណា?

Phireak DW — Mon, 12 May 2025 02:23:48 +0000

ស៊ុត ត្រូវបានគេចាត់ទុកជាអាហារដ៏ល្អបំផុតសម្រាប់មនុស្សគ្រប់រូប ព្រោះមានមានរសជាតិឆ្ងាញ់ ហើយផ្តល់សារធាតុចិញ្ចឹមសំខាន់ៗយ៉ាងច្រើន។ សូម្បីតែកុមារតូចៗក៏គ្រូពេទ្យអនុញ្ញាតឲ្យទទួលទានដែរ ដោយសារតែវាអាចជួយជំរុញដល់ការលូតលាស់ និងធ្វើឲ្យរាងកាយមានសុខភាពល្អ។

តើពេលណាទើបទារកអាចញ៉ាំស៊ុតបាន?

នេះជាសំនួរសំខាន់មួយដែលឪពុកម្តាយទាំងអស់ចង់ដឹងចម្លើយ ព្រោះថាគ្មានអ្នកណាចង់ឃើញកូនទន់ខ្សោយ ហើយមើលទៅខ្វះអាហារូបត្ថម្ភនោះទេ។

អ្នកជំនាញផ្នែកចំណីអាហារបានផ្តល់អនុសាសន៍ថា ស៊ុតលឿងពិតមានសុវត្ថិភាពបំផុតចំពោះទារក ដែលទើបនឹងផ្តល់អាហារដំបូង(៦ខែឡើង) ក្រៅពីទឹកដោះម្តាយ។ ព្រោះវាពោរពេញទៅដោយអាហារូបត្ថម្ភខ្ពស់ អាចជំរុញដល់ការលូតលាស់បានល្អ ហើយកាត់បន្ថយភាពក្រិនដល់ទៅ ៤៧ភាគរយឯណោះ។

ចំពោះទាករ ដែលមានអាយុចាប់ពី៨ខែឡើងទៅអាចញ៉ាំស៊ុតទាំងមូលបាន មានន័យថាទាំងស៊ុតស និងស៊ុតលឿង។ ព្រោះទារកចម្រើនដល់វ័យនេះ អាចមានសមត្ថភាពអាចប្រយុទ្ធប្រឆាំងនឹងបញ្ហាអាឡែកស៊ីបាន៕

ខ្លាចកូនទាបមិនលូតកម្ពស់ដូចកូនគេ គួរអនុវត្តវិធីនេះ

Phireak DW — Tue, 22 Apr 2025 07:40:43 +0000

ជាទូទៅទារកភាគច្រើនមានប្រវែងពីកំណើត ៥០សង់ទីម៉ែត្រ ហើយការលូតលាស់៣ខែដំបូង គឺស្មើនឹងប្រវែងលូតលាស់រយៈពេល ៩ខែ បន្ទាប់ បានន័យថាក្នុងរយៈពេលមួយឆ្នាំដំបូងនេះមានការលូតលាស់លឿនណាស់។

នៅឆ្នាំទីពីរ អត្រាកំណើននៃប្រវែងរាងកាយចាប់ផ្តើមថយចុះប្រហែលជា ១០សង់ទីម៉ែត្រ គឺលូតលាស់ប្រហែលជា ៨៥សង់ទីម៉ែត្រ ហើយប្រវែងដងខ្លួនកើនឡើងចាប់ពី ៥ទៅ៧សង់ទីម៉ែត្រ បន្ទាប់ពីអាយុ ២ឆ្នាំ។

តើមូលហេតុអ្វីដែលបណ្តោលឲ្យកុមារមានកម្ពស់ទាប?
តាមពិតកង្វះជាតិកាល់ស្យូម និងអាហារូបត្ថម្ភ ធ្វើឲ្យប៉ះពាល់ដល់ការលូតកម្ពស់ជាខ្លាំង ក៏ប៉ុន្តែនៅមានកត្តាមួយចំនួនទៀតដែលអាចធ្វើឲ្យកូនរបស់អ្នកមានកម្ពស់ទាបជាងក្មេងដទៃដូចជា៖ កង្វះអ័រម៉ូនលូតលាស់ ឪពុកម្តាយមានកម្ពស់ទាប កើតជំងឺក្រពេញទីរ៉ូអ៊ីត ជំងឺសរសៃប្រសាទ ភាពស្លេកស្លាំង រាគរ៉ាំរ៉ៃ ជំងឺតម្រងនោម ជំងឺហឺត ជំងឺបេះដូងពីកំណើត ជំងឺមេតាប៉ូលីស ជំងឺក្រូម៉ូសូម។ល។ លើសពីនេះជំងឺផ្លូវចិត្ត ក៏អាចធ្វើឲ្យមនុស្សតឿដែរ។

ដូច្នេះដើម្បីជួយជំរុញឲ្យកូនមានការលូតកម្ពស់បានល្អ ឪពុកម្តាយគួរតែអនុវត្តវិធីសាស្ត្រដូចខាងក្រោម៖
បន្ថែមអាហារបំប់ន៖ អ្នកត្រូវផ្តល់អាហារដែលមានជាតិកាល់ស្យូម និងប្រូតេអ៊ីនឲ្យបានគ្រប់គ្រាន់។

ធ្វើលំហាត់ប្រាណ៖ ការជំរុញឲ្យកូនធ្វើលំហាត់ប្រាណជាប្រចាំ ពិតជាសំខាន់ណាស់ក្នុងការលើកកម្ពស់ដល់ការផលិតអ័រម៉ូនលូតលាស់ និងការលូតលាស់ឆ្អឹង។ ការធ្វើលំហាត់ប្រាណរត់ លោតអន្ទាក់ ឬលេងបាល់បោះ ពិតជាល្អបំផុត។

គេងឲ្យបានគ្រប់គ្រាន់៖ អ្នកគួរតែទម្លាប់ឲ្យកូនគេងឲ្យបានគ្រប់គ្រាន់ ជាពិសេសត្រូវចូលគេងនៅមុនម៉ោង ៩យប់ ព្រោះអ័រម៉ូនលូតលាស់ផលិតច្រើននៅចន្លោះម៉ោង ៩ ទៅ១យប់ និងម៉ោង ៥ទៅ ៧ព្រឹក។

កុំឧស្សាហ៍ធ្វើឲ្យកូនពិបាកចិត្ត៖ នៅពេលដែលកុមារកើតជំងឺធ្លាក់ទឹកចិត្ត រាងកាយទាំងមូលនិងស្ថិតនៅក្នុងស្ថានភាពទាប ហើយប៉ះពាល់ដល់ដំណើរការនៃការបញ្ចេញអ័រម៉ូន ដូច្នេះអារម្មណ៍រីករាយគឺគ្មានទេ។

ការជ្រើសរបបអាហារ និងធ្វើលំហាត់ប្រាណ ជាវិធីថែរក្សារាងក្រោយពេលសម្រាល

Phireak DW — Mon, 21 Apr 2025 07:41:37 +0000

ជាការពិតណាស់ អំឡុងពេលមានផ្ទៃពោះអ្នកម្តាយត្រូវព្យាយាមទទួលទានអាហារសម្បូរសារធាតុចិញ្ចឹម និងវីតាមីនឲ្យបានច្រើន ដើម្បីថែរក្សាសុខភាពខ្លួនឯង ក៏ដូចជាទារកក្នុងផ្ទៃឲ្យមានសុខភាពល្អ។ តែការទទួលទានអាហារច្រើននេះ គួបផ្សំជាមួយនឹងរាងកាយនៅសុកស្រួលគ្មានចលនា ធ្វើឲ្យអ្នកធាត់ រហូតក្រោយសម្រាលកូនហើយក៏នៅតែធាត់ដែរ។

ដូច្នេះដើម្បីសម្រករាងឲ្យត្រលប់មកភាពដើមវិញ ក្រោយពេលសម្រាលអ្នកម្តាយគួរតែធ្វើបែបនេះ៖
១.ជ្រើសរបបអាហារ
ដោយសារតែរាងកាយអ្នកម្តាយត្រូវការសារធាតុចិញ្ចឹម ដើម្បីបង្កើតទឹកដោះសម្រាប់ទារក ហេតុនេះអ្នកគួរតែជ្រើសរបបអាហារដែលត្រឹមត្រូវ ដោយផ្តោតទៅលើផ្លែឈើ និងបន្លែស្រស់ៗ។ លើសពីនេះអ្នកត្រូវទទួលទានទឹកដោះគោដើម្បីពង្រឹងឆ្អឹងឡើងវិញ ព្រោះក្រោយពេលសម្រាលជាតិកាល់ស្យូមរបស់អ្នកម្តាយត្រូវបានផ្តល់ឲ្យទារកអស់។
អ្នកត្រូវចាំថា មិនគួរតមអាហារដូចអ្នកនៅលីវនោះទេ ព្រោះអំឡុងពេលនេះរាងកាយរបស់អ្នកត្រូវការសារធាតុចិញ្ចឹមគ្រប់គ្រាន់សម្រាប់ផលិតទឹកដោះ។ ដូច្នេះត្រូវជ្រើសអាហារដែលមានផាសុខភាព និងជៀសវាងអាហារសម្បូរខ្លាញ់ ឬបង្អែម។
២.ធ្វើលំហាត់ប្រាណ
អ្នកម្តាយក្រោយពេលឆ្លងទន្លេ មិនអាចធ្វើលំហាត់ប្រាណបានភ្លាមៗនោះទេ អ្នកត្រូវរងចាំការជាសះស្បើយយ៉ាងហោចណាស់ ២ខែ មុននឹងចាប់ផ្តើមធ្វើលំហាត់ប្រាណ។ អ្នកម្តាយគ្រាន់តែធ្វើលំហាត់ប្រាណស្រាលៗ ដើម្បីឲ្យរាងកាយស៊ាំពីចលនា និងការបំម្លែងសារធាតុបានល្អ ដូចជាការដើរ ហែលទឹក ហាត់យូហ្គា ដើម្បីជំរុញដល់សាច់ដុំធ្វើការឲ្យបានពេញលេញ។
ទោះជាយ៉ាងណា ការជ្រើសរើសអាហារអំឡុងពេលមានផ្ទៃពោះ ក៏មានសារៈសំខាន់ដែរ ព្រោះវាអាចជួយឲ្យទារកមានសុខភាពល្អ ហើយអ្នកម្តាយក៏មិនឡើងទម្ងន់ជ្រុលរហូតពិបាកសម្រកក្រោយពេលសម្រាលផងដែរ៕

ពេលគេង ម៉ាក់ៗគួរតែច្រៀងបំពេដើម្បីអោយកូនឆ្លាត

Phireak DW — Mon, 21 Apr 2025 01:44:21 +0000

តើអ្នកម្តាយទាំងឡាយធ្លាប់សង្កេតដែរឬទេថា ហេតុអ្វីបានចាស់ៗបុរាណផ្តល់ភាពសំខាន់លើការច្រៀងបំពេកូនតូច? យើងអាចសង្កេតឃើញបានតាមរយៈបទបំពេកូនដែលនៅសេសសល់មកដល់ពេលបច្ចុប្បន្ននេះ អ្នកខ្លះនិយាយថា មកពីសម័យមុននៅមិនទាន់មានឧបករណ៍ទាន់សម័យ ទើបបទចម្រៀងបំពេកូនក្លាយជាវិធីតែមួយគត់ក្នុងការធ្វើឱ្យកូនតូចបានគេងលក់យ៉ាងសប្បាយ និងមានសេចក្តីសុខ។ ការពិតទៅ បទចម្រៀងបំពេកូនមិនបានផ្តល់ប្រយោជន៍ចំពោះតែទារកប៉ុណ្ណោះទេ តែនៅផ្តល់ប្រយោជន៍ចំពោះអ្នកម្តាយយ៉ាងច្រើនទៀតផង។ យើងនាំគ្នាតាមដានជាបន្តទៀតថា នៅរៀងរាល់ថ្ងៃដែលយើងច្រៀងបទបំពេឱ្យកូនស្តាប់នោះ តើអ្នកណាទទួលបានប្រយោជន៍អ្វីខ្លះ?

ចំពោះកូនតូច៖

ស្តាប់បទច្រៀងបំពេ នឹងឆ្លាត ហើយរឹងប៉ឹងមាំមួនស្ថិតក្នុងវ័យដែលទើបនឹងកើតចេញមកភ្លាមនោះ ទារកដែលទើបនឹងបើកភ្នែកមើលពិភពលោកនេះនឹងមានទាំងក្តីភ័យខ្លាចក្តីបារម្ភកង្វល់ និងមិនទុកចិត្តពិភពលោកមួយនេះ ដោយសភាវជុំវិញខ្លួនដែលនៅមិនទាន់ស៊ាំធ្លាប់នេះ មានតែសម្លេងបទចម្រៀង និងទំនុកបទច្រៀងបំពេកូននេះហើយដែលជួយធ្វើឱ្យទារកមានអារម្មណ៍ធូរស្រាល និងសប្បាយចិត្តឡើងវិញនោះ ជាពិសេសនៅពេលដែលវាជាសម្លេងរបស់ម្តាយខ្លួនផងនោះ ក្តីភ័យខ្លាចទាំងឡាយនោះនឹងរលាយបាត់អស់ ក្លាយជាក្តីកក់ក្តៅក្នុងចិត្តជំនួសវិញ។

កូនតូចដែលបានស្តាប់ម្តាយច្រៀងបំពេ នឹងគេងលក់យ៉ាងស្រួល និងលង់លក់ខ្លាំងជាងការគេងតែម្នាក់ឯង ដែលរឹតតែគេងលក់បានខ្លាំងប៉ុនណា ការវិវឌ្ឍន៍របស់ខួរក្បាល និងភាពរឹងប៉ឹងមាំមួនរបស់រាងកាយនឹងរឹតតែមានខ្លាំងឡើងប៉ុននោះដែរ។ មានការងារស្រាវជ្រាវវិភាគទាំងនៅក្នុងប្រទេស និងក្រៅប្រទេសមួយរបស់មជ្ឈមណ្ឌលវេជ្ជសាស្ត្រនៅទីក្រុងញូវយ៉កបានធ្វើការអះអាងថា ការច្រៀងបទចម្រៀងបំពេកូននឹងធ្វើឱ្យប្រព័ន្ធបេះដូង និងប្រព័ន្ធដកដង្ហើមរបស់ទារកធ្វើការបានកាន់តែល្អឡើងទៀតផង។

ក្នុងអំឡុងពេលដែលបទចម្រៀងត្រូវបានច្រៀងបំពេនោះ គឺជាពេលវេលាដែលកោសិកាផ្សេងៗក្នុងរាងកាយរបស់កូនកំពុងកជារូបរាង និងអភិវឌ្ឍ ការចងចាំតូចមួយបានកើតឡើងយ៉ាងសន្សឹមៗខណៈដែលយើងសុទ្ធតែមិនដឹងខ្លួនថា សម្លេងច្រៀងទាំងនោះបានក្លាយជាវត្ថុជុំវិញខ្លួនមួយសម្រាប់ការរៀនយល់ដឹងរបស់កូនដែលវាបានក្លាយជាហេតុផលមួយដែលថា រឹតតែកូនបានស្តាប់ម្តាយច្រៀងបំពេញឹកញាប់ប៉ុនណា កូនរឹតតែអាចចេះបែងចែកសម្លេងម្តាយចេញពីសម្លេងរបស់អ្នកដទៃបានកាន់ខ្លាំង និងលឿនប៉ុននោះដែរបទបំពេកូនបានទទួលនូវការសឹក្សាស្រាវជ្រាវជាយូរមកហើយថា មានផលដល់ការសាងសម្ពនភាពដ៏ស៊ីជម្រៅរវាងម្តាយ និងកូន និងជួយអភិវឌ្ឍខាងផ្លូវចិត្តឱ្យកាន់តែរឹងមាំឡើង នោះគឺ ការដែលទារកនឹងមានអត្តចរឹករួសរាយ អារម្មណ៍ល្អ មានទំនុកចិត្ត និងមានអារម្មណ៍ថាមានសុវត្ថិភាពនៅពេលបានឮសម្លេងច្រៀងបំពេរបស់ម្តាយ។ ការសឹក្សាស្រាវជ្រាវនៅបានរកឃើញទៀតថា កូនដែលបានស្តាប់ម្តាយច្រៀងបំពេជាប្រចាំ នឹងធ្វើឱ្យកាន់តែឆាប់ចេះនិយាយ យល់ពីវាក្យស័ព្ទបានល្អ និងឆ្លើយតបការទំនាក់ទំនងបានល្អទៀតផង។

ក្រៅពីនេះ ការបានស្តាប់បទច្រៀងបំពេញឹកញាប់ នៅធ្វើឱ្យកូនតូចមានអារម្មណ៍ស្រឡាញ់សម្លេងបទភ្លេងដែលអាចក្លាយទៅជាមាននិស្ស័យស្រឡាញ់តូរ្យតន្ត្រី ស្រឡាញ់ការច្រៀងនៅពេលធំឡើងបានទៀតផង។

ចំពោះអ្នកម្តាយ៖

ច្រៀងបទបំពេកូន អ្នកម្តាយសុខកាយសប្បាយចិត្ត គ្មានរោគាសម្លេងអឺងអើយចេញពីបំពង់ករបស់អ្នកម្តាយ មិនថាច្រៀងពិរោះ ឬមិនពិរោះ ឬចាំទំនុកច្រៀងបានច្រើនតិចប៉ុនណានោះទេតែបទចម្រៀងដែលម្តាយច្រៀងបំពេឱ្យកូនស្តាប់នោះប្រៀបដូចជាការសាងប្រព័ន្ធការពារជំងឺដល់កូន ហើយសម្រាប់អ្នកម្តាយវិញនោះគឺជាការផលិតសារធាតុអាហារដ៏ល្អដល់រាងកាយដូចគ្នា។

អ្នកម្តាយដែលច្រៀងបំពេកូនជាប្រចាំ នឹងបានទទួលការស្នងតបពីខួរក្បាលឱ្យបញ្ចេញសារធាតុនៃសេចក្តីសុខចេញមកក្រោយពីច្រៀងបទបំពេកូនបានមួយស្របក់មក អ្នកម្តាយនឹងបានដឹងថា អាការនឿយល្វើយ តានតឹងធុញថប់ដែលបណ្តាលមកពីបន្ទុកដ៏ធ្ងន់ធ្ងរនោះ នឹងធូរស្រាលឡើងជាបណ្តើរៗ ក្តីវិតក្កកង្វល់នឹងត្រូវរលាយអស់បន្តិចម្តងៗ អារម្មណ៍របស់អ្នកម្តាយនឹងស្រស់ស្រាយឡើងវិញដោយមិនដឹងខ្លួន។

សម្រាប់អ្នកម្តាយដែលមានសភាវសោកសៅក្រោយពេលប្រសូតបុត្រនោះ គឺជាក្រុមមុខសញ្ញាដំបូងគេដែលគួរតែហ្វឹកហាត់រៀនច្រៀងបទបំពេកូន ព្រោះការបានបញ្ចេញសម្លេងច្រៀង ការរាប់ចង្វាក់ ការយោគខ្លួនទៅមកតិចៗនេះហើយ គឺជាឱសថព្យាបាលអាការសោកសៅបានយ៉ាងល្អ។ បទបំពេកូនដែលមានទំនុកបទស្រទន់ផ្អែមពិរោះនឹងជួយឱ្យអ្នកម្តាយបានទម្លាយក្តីសោកសៅចេញបានយ៉ាងយឺតៗម្តងបន្តិចៗរហូតត្រឡប់មកជារីករាយស្រស់ស្រាយឡើងវិញនៅទីបំផុត។

វិធីការបំពេកូនដែលល្អបំផុតនោះគឺ ការឱបកូននៅក្នុងរង្វង់ដៃជាប់នឹងដើមទ្រូង ច្រៀងបំពេតិចៗរហូតដល់កូនលង់លក់បន្ទាប់ពីនោះសឹមដាក់ចុះថ្នមៗនៅលើពូករបស់កូន និងច្រៀងបំពេបន្តទៀតមួយស្របក់ កូនតូចនឹងគេងលក់ទៅព្រមជាមួយនឹងសេចក្តីសុខ គឺក្នុងអំឡុងពេលនេះឯងដែលប្រព័ន្ធប្រសាទរបស់កូននឹងបានទទួលការជំរុញ និងអភិវឌ្ឍ ចំណែកអ្នកម្តាយខ្លួនឯងក៏បានដឹងពីភាពកក់ក្តៅ និងបានដឹងពីក្តីស្រឡាញ់ដែលខ្លួនមានចំពោះកូនដែរ។

អ្វីទាំងអស់នេះ នឹងនាំនូវអារម្មណ៍ល្អៗមកដល់ខ្លួនឯង ដល់ក្រុមគ្រួសារ និងត្រៀមខ្លួនជាស្រេចដើម្បីធ្វើជាបន្តដោយកម្លាំងចិត្តក្នុងការធ្វើឱ្យជីវិតនាថ្ងៃខាងមុខទៀតកាន់តែល្អប្រសើរឡើងប្រកបដោយសេចក្តីសុខ៕

ស្រ្ដីមានផ្ទៃពោះអាចលាបឡេរ ឬ ឡេរកាពារកំដៅថ្ងៃបានទេ ?

Phireak DW — Fri, 11 Apr 2025 00:30:04 +0000

ភាពស្រស់ស្អាតរបស់ស្រ្ដីគ្រប់រូបរមែងកើតមានគ្រប់ពេលវេលា បើទោះបីជាពេលនេះនាងកំពុងពពោះក៏ដោយ នាងតែចង់បានសម្រស់ស្រស់ស្អាតក្នុងការទាក់ទាញចំណាប់អារម្មណ៍ពីស្វាមីនាង ដោយឡែកថ្ងៃនេះ គេហទំព័រ Daily Wellness នឹងបកស្រាយរាល់ចម្ងល់ដែលបានចោទសួរថា ស្រ្ដីមានផ្ទៃពោះអាចលាបឡេរ ឬ ឡេរកាពារកំដៅថ្ងៃបានទេ ? តើមានប្រតិកម្មដែរឬទេ ប្រសិនបើប្រើប្រាស់ប្រភេទគ្រឿងសម្អាងថែរក្សាស្បែកទាំងអស់នេះ ?

ចម្លើយគឺសូមប្រាប់មួយមាត់យ៉ាងខ្លីបានថា “ប្រើបាន ” គ្មាបញ្ហាប្រតិកម្មលើស្បែកឡើយ ក៏ប៉ុន្ដែលុះត្រាតែ ប្រភេទឡេរលាបស្បែកនេះមានសារធាតុនៅក្នុងក្រុម Retinoids ដែលបានពិសោធន៍ក្រដាស PH មានព័ណ៌ក្រហមតែប៉ុណ្ណោះ ព្រោះបើមិនដូច្នោះទេ គឺមានប្រតិកម្មស្បែក នឹងមានផលប៉ះពាល់ដល់ទារកដែលនៅក្នុងផ្ទៃជាមិនខាន ។

ការចំណាំក្រុមរបស់ធាតុ Retinoids រួមមាន៖
– retinol (វីតាមីន អា)
– retinoic acid (ក្រុមវីតាមីន អា
– retinaldehyde
– retinyl esters (មានរួមក្រុមជាមួយ retinyl propionate និង retinyl palmitate)

ហើយក្រុមសារធាតុគីមីទាំងនេះមានបញ្ជាក់នៅលើរូបធាតុផ្សំរបស់ឡេរ ដែលងាយចំណាំដូចជាអក្សរ Adapalene Retin-A®, Stieva- A®, Renova® , Adapalene (Differin®) ជាដើម ។

សូមបញ្ជាក់ចំពោះប្រភេទឡេរលាយ ដែលមានការពិសោធន៍ជាតិអាស៊ីតខ្ពស់ និងមិនមែនមាន ក្រដាស PH មានព័ណ៌ក្រហម មិនបានអនុញ្ញាតិឲ្យស្ដ្រីមានផ្ទៃពោះប្រើប្រាស់ឡើយ ព្រោះប៉ះពាល់ដល់កូនក្នុងផ្ទៃ ៕

ស្រ្ដីមានផ្ទៃពោះផឹកតែប៉ៃតងបាន ឬមិនបាន?

Phireak DW — Tue, 08 Apr 2025 04:57:23 +0000

អ្នកម្ដាយកំពុងពពោះធ្លាប់សង្ស័យថា អ្នកពោះធំផឹកតែប៉ៃតងបានដែរទេ? មានគ្រោះថ្នាក់ទេ? ថ្ងៃនេះគេហទំព័រ Baby and Mom (មាតា និងទារក) នឹងស្រាយចម្ងល់ដែលអ្នកម្ដាយកំពុងព្រួយបារម្ភអស់ទាំងនេះហើយ។

អ្នកម្ដាយកំពុងមានផ្ទៃពោះទាំងឡាយ មានអាហារជាច្រើនយ៉ាងណាស់ ដែលគ្រូពេទ្យបានហាមមិនឲ្យទទួលទាន ហើយច្បាស់ជាធ្លាប់បានដឹងឮខ្លះៗហើយថា “អ្នកទម្ងន់ហាមមិនឲ្យផឹកកាហ្វេ និងតែប៉ៃតង ” ហើយឆ្ងល់ថារឿងនេះពិតឬទេ? ហេតុអ្វីបានជាស្ដ្រីពពោះហាមមិនឲ្យផឹកកាហ្វេ ឬតែ? ចំពោះអ្នកម្ដាយទើបមានកូនដំបូងច្បាស់ជាឆ្ងល់ថា ស្រ្ដីមានផ្ទៃពោះផឹកតែប៉ៃតងបានទេ? ផឹកតែកូចឆ្មាបានទេ? ឬផឹកតែឆុងបានទេ? អស់បញ្ហាហើយ នៅថ្ងៃនេះ Baby and Mom (មាតា និងទារក) នឹងបកស្រាយរាល់ចម្ងល់ទាំងអស់របស់អ្នក។

តែប៉ៃតងដែលមានលក់នៅលើទីផ្សារពាសពេញប្រទេស រួមទាំងកាហ្វេផងដែរនោះ គឺសុទ្ធសឹងតែមានសារធាតុ កាហ្វេអ៊ីន លាយបញ្ចូលជាមួយគ្នា ទើបខាងគ្រូពេទ្យបានចង្អុលបង្ហាញថា សារធាតុកាហ្វេអ៊ីន ជាសារធាតុងាយជ្រាបចូលខួរក្បាលរបស់កូននៅក្នុងផ្ទៃបាន ហើយមានផលវិបាកដល់ផ្ទៃទាំងមូលបាន រួមទាំងសុខភាពម្ដាយផងដែរ ក៏ប៉ុន្ដែទោះជាយ៉ាងណាក៏ដោយ គ្មានរបាយការណ៍ណាមួយដែលអ្នកបញ្ជាក់ពីភាពគ្រោះថ្នាក់របស់ កាហ្វេអ៊ី ដល់ទារកអ្វីខ្លះឡើយ តែក៏មិនមែនមានន័យថា ការផឹកកាហ្វេ ខណៈកំពុងពពោះគ្មានគ្រោះថ្នាក់ឡើយ ។ ដូច្នោះហើយទើបគ្រូពេទ្យ បានបញ្ជាក់ពីបរិមាណទទួលទាន កាហ្វេ ឬ តែ ដូចការបកស្រាយខាងក្រោមនេះ។

ចំពោះករណីដែលអ្នកម្ដាយពពោះ ហើយញៀនផឹកកាហ្វេ និង តែប៉ៃតង បើមិនអាចតមបានពិតមែន គឺអាចទទួលទានគ្រឿងភេសជ្ជៈទាំងអស់នេះបាន តែត្រូវកំណត់សារធាតុកាហ្វេអ៊ីន ដែលជាទូទៅអ្នកម្ដាយមានផ្ទៃពោះគឺហាមមិនឲ្យទទួលទានផង ដូច្នោះគឺអ្នកត្រូវទទួលទានក្នុងបរិមាណត្រឹមពី ១០០ ទៅ ២០០ មីលីត្រក្នុងមួយថ្ងៃ ប្រសិនបើធ្វើប៉ុណ្ណឹងបាន គឺអាចកាត់បន្ថយគ្រោះថ្នាក់បានមួយកំរិតផងដែរ ។

មូលហេតុដែលគ្រូពេទ្យកំណត់ឲ្យទទួលទានបែបនេះ ព្រោះ៖
-ការទទួលទានជាតិកាហ្វេច្រើនអាចធ្វើឲ្យបេះដូងរបស់ទារកក្នុងផ្ទៃដកដង្ហើមលឿនខុសប្រក្រតី អាចបណ្ដាលឲ្យទារកស្លាប់បានក្នុងរយៈពេលខ្លី។
-សារធាតុកាហ្វេអ៊ីន អាចធ្វើឲ្យអ្នកម្ដាយនោមញឹកញាប់ អាចបណ្ដាលឲ្យបាត់បង់ជាតិទឹក និងកាល់ស្យូម ក្នុងរាងកាយអ្នកម្ដាយ ហើយជាហេតុផលដែលអ្នកម្ដាយ និងទារកមានសុខភាពមិនល្អ។
– ជាតិស្ករក្នុងកាហ្វេ ជាពិសេសតែប៉ៃតង គឺមានចំនួនច្រើន ប្រសិនបើទទួលទានច្រើនពេក អាចធ្វើឲ្យអ្នកម្ដាយងាយឡើងទម្ងន់ នឹងប្រឈមមុខកើតជំងឺទឹកនោមផ្អែម។
– ធ្វើឲ្យគេងមិនលក់ ហើយសម្រាកមិនគ្រប់គ្រាន់ អាចជាផលប៉ះពាល់ដល់ការរីកធំធាត់របស់កូននៅក្នុងផ្ទៃ។
– សារធាតុកាហ្វេអ៊ីន បានបំផ្លាញ នឹងរាំងស្ទះសារធាតុចិញ្ជឹមនានា ដែលមាននៅក្នុងរាងកាយអ្នកម្ដាយគ្រប់រូប ហើយប្រសិនបើទារកទទួលសារធាតុចិញ្ចឹមមិនគ្រប់គា្រន់ទេ នោះកូននឹងមានទម្ងន់ស្រាលមិនគ្រប់គីឡូ។

ទាំងនេះអាចសរុបបានថា អ្នកម្ដាយគ្រប់រូបអាចទទួលទាន តែប៉ៃតង ឬ កាហ្វេបានតែនៅក្នុងបរិមាណកំណត់ ក្នុងមួយថ្ងៃអ្នកម្ដាយទូទៅអាចទទួលទានបានត្រឹម ៦០ ទៅ ១៥០ មីលីក្រាម ហើយត្រូវមានសារធាតុកាហ្វេអ៊ីនតិចជាង ៤០ ទៅ ៦០ មីលីក្រាម៕

កូនក្អួតក្រោយពេលបញ្ចុកថ្នាំ តើត្រូវបញ្ចុកម្តងទៀតឬទេ?

Phireak DW — Tue, 08 Apr 2025 04:56:18 +0000

ជឿថានៅរៀងរាល់ពេលបញ្ចុកថ្នាំក្នុងពេលដែលកូនតូចមានអាការឈឺថ្កាត់ម្តងៗនោះ គឺពិតជារឿងមួយដែលធ្វើឱ្យលោកឪពុកអ្នកម្តាយឈឺក្បាលវឹលមុខមិនស្ទើរឡើយ ព្រោះណាមួយកូនមិនព្រមញ៉ាំ ឬលេបថ្នាំនោះសោះ និងមួយទៀត គឺលេបចូលទៅហើយ តែក្អួតចេញមកវិញអស់ ធ្វើឱ្យលោកឪពុកអ្នកម្តាយកើតមានការស្ទាក់ស្ទើរក្នុងចិត្តថា តើគួរបញ្ចុកម្តងទៀតឬយ៉ាងណា? ដូច្នេះ ខាងក្រោមនេះគឺជាចម្លើយចំពោះចម្ងល់នេះ។

មូលហេតុកូនក្អួតក្រោយពេលបញ្ចុកថ្នាំរួច
អាការក្អួតរបស់កូនក្រោយពេលត្រូវប៉ាម៉ាក់បញ្ចុកថ្នាំរួច ជាបញ្ហាដែលជួបញឹកញាប់ និងកើតឡើងដដែលៗ។ កូនក្អួតក្រោយការបញ្ចុកថ្នាំច្រើនតែបណ្តាលមកពីការយំយ៉ាងខ្លាំងក្លាព្រោះមិនចូលចិត្តរសជាតិរបស់ថ្នាំ មិនចូលចិត្តក្លិនរបស់ថ្នាំ កូនត្រូវការបដិសេធទើបព្យាយាមធ្វើឱ្យកើតអាការក្អួត ឬកើតពីតិចនិកក្នុងការបញ្ចុកថ្នាំមិនល្អ ធ្វើឱ្យរសជាតិថ្នាំទៅប៉ះនឹងបរិវេណគល់អណ្តាតនាំឱ្យកើតប្រតិកម្មការខ្ជាក់ចេញមកវិញដោយស្វ័យប្រវត្តិ ដែលខាងវេជ្ជសាស្រ្តហៅថា gag reflex ធ្វើឱ្យក្មេងក្អួតចេញមក ។

កូនក្អួតក្រោយពេលបញ្ចុកថ្នាំ តើត្រូវបញ្ចុកថ្នាំម្តងទៀតឬទេ?
1 – ត្រូវបញ្ចុកឡើងវិញម្តងទៀត ក្នុងករណីបញ្ចុកហើយក្អួតភ្លាម (មិនមែនក្អែចេញមកបន្តិចបន្តួចទេ) ចូរអ្នកម្តាយបញ្ចុកថ្នាំក្នុងបរិមាណដដែលឡើងវិញម្តងទៀតក្រោយពីកូនឈប់ក្អួតហើយ។

2-មិនបាច់បញ្ចុកម្តងទៀតទេ ក្នុងករណីដែលកូនក្អួតបន្ទាប់ពីការបញ្ចុកថ្នាំកន្លងផុតទៅយូរក្រែលហើយ ឬចាប់ពីកន្លះម៉ោងឡើងទៅនោះមិនចាំបាច់បញ្ចុកឡើងវិញម្តងទៀតទេព្រោះថ្នាំមួយចំនួនអាចត្រូវបានបឺតជ្រាបចូលទៅក្នុងរាងកាយខ្លះហើយ តែត្រូវបញ្ចុកតាមពេលវេលាដែលពេទ្យកំណត់នៅលើកក្រោយទៀត។

តិចនិកការបញ្ចុកថ្នាំ ឱ្យកូនបានទទួលថ្នាំគ្រប់ចំនួនតាមវេជ្ជបញ្ជា
1- បញ្ចុកថ្នាំសម្រេចគ្រប់ពេល ត្រូវមានអារម្មណ៍ល្អតាំងពីលើកដំបូង។ លើកដំបូងរបស់ការបញ្ចុកថ្នាំត្រូវបបួលកូនតូចលេងឱ្យមើលនេះមើលនោះ ចាប់ កាន់ ឧបករណ៍ផ្សេងៗ បើស្ថិតក្នុងវ័យយល់ដឹងខ្លះហើយត្រូវអធិប្បាយ ឱ្យពេលវេលា និងកុំបង្ហាញអាការធុញថប់តានតឹងឱ្យកូនឃើញឱ្យសោះ។

2- ឧបករណ៍សម្រាប់បញ្ចុកក៏សំខាន់ដែរ ត្រូវជ្រើសរើសឱ្យស័ក្តិសម ដូចជាថ្នាំដែលមានរសជាតិល្វីង ឡារ៉ែនណែនាំឱ្យប្រើបំពង់ម្ជុលចាក់ថ្នាំ បាញ់បញ្ចូលមាត់កូនតែម្តង រួចឱ្យញ៉ាំទឹកតាមក្រោយ ចំណែកថ្នាំដែលមានរសជាតិផ្អែមអាចប្រើស្លាបព្រាបញ្ចុកបាន។

3- ឥរិយាបថរបស់កូនក្នុងពេលបញ្ចុកក៏សំខាន់ដូចគ្នាដែរ កុំបញ្ចុុកដោយឱ្យកូនគេងរាបស្មើ ព្រោះកូននឹងលេបមិនទាន់ ធ្វើឱ្យក្អួតព្រួសចេញមកវិញ ឬអាចឈ្លក់ថ្នាំបាន គួរបញ្ចុកថ្នាំកូនក្នុងឥរិយាបទដែលក្បាលនៅខ្ពស់ជាងខ្លួន។

4- ត្រូវត្រៀមទឹកទុកជាមុនបន្តិចបន្តួច បន្ទាប់ពីបញ្ចុកថ្នាំហើយ ចូរឱ្យទឹកញ៉ាំបន្តិច ព្រោះថ្នាំប្រភេទទឹកស៊ីរ៉ូធ្វើឱ្យស្អិតក្នុងបំពង់ក អាចធ្វើឱ្យកូនក្អក ហើយការឱ្យញ៉ាំទឹកបន្តិចអាចការពារអាការក្អកបាន។

5- ប្តូររសជាតិរបស់ថ្នាំ ពីល្វីងឱ្យទៅជាផ្អែម តែត្រូវសួរនាំលោកគ្រូពេទ្យជាមុនសឹន ព្រោះថ្នាំខ្លះអាចកើតប្រតិកម្មខាងគីមីជាមួយទឹកស៊ីរ៉ូ អាចមានផលប៉ះពាល់ដល់ការបឺតជ្រាបរបស់រាងកាយបាន។

បានដឹង និងស្គាល់ពីតិចនិកល្អៗពាក់ព័ន្ធនឹងវិធីបញ្ចុកថ្នាំកូនហើយ យើងសង្ឃឹមថា ក្មេងតូចៗទាំងឡាយនឹងលែងសូវក្អួតឬព្រួសថ្នាំចេញទៀតហើយ តែអាការក្អួតនេះក៏អាចបណ្តាលមកពីការកើតប្រតិកម្មចាញ់ថ្នាំដែលញ៉ាំនោះដែរ ដូច្នេះអ្នកម្តាយគួរសង្កេតមើលអាការរួមផ្សេងទៀតផង ដូចជា ឡើងកន្ទួលរមាស់ ភ្នែកហើម មាត់ហើម ពិបាកដកដង្ហើមជាដើម បើឃើញកូនតូចកើតមានអាការទាំងនេះក្រោយពេលបញ្ចុកថ្នាំរួចនោះ អ្នកម្តាយគួរប្រញាប់នាំកូនទៅមន្ទីពេទ្យជាបន្ទាន់កុំបង្អង់យូរ៕

ដល់អាយុហើយកូននៅមិនទាន់ចេះវារទៀត តើមានបញ្ហាឬទេ?

Phireak DW — Fri, 04 Apr 2025 09:52:18 +0000

ជាមធ្យមទារកចាប់ផ្តើមចេះវារតិចៗនៅអាយុ ៨ខែឡើងទៅ ប៉ុន្តែទារកភាគច្រើនអាចត្រូវរងចាំពេលយូរជាងនេះ ហើយមានខ្លះទៀតអាចរំលងដំណាក់កាលនេះចោលតែម្តង។ ប្រសិនបើកូនរបស់អ្នកគ្មានបញ្ហាក្នុងការអភិវឌ្ឍន៍លើកលែងតែចំណុចនេះ តែពួកគេអាចក្រោកអង្គុយខ្លួនឯងដោយគ្មានការជួយ ការចាប់កាន់វត្ថុផ្សេងៗដោយដៃទាំងពីរ ការប្រើដៃនិងជើងរួមគ្នា ឬក្រោកឈរបានដោយខ្លួនឯង អ្នកមិនចាំបាច់ព្រួយបារម្ភនោះទេ។

ដើម្បីបង្រៀនកូនរបស់អ្នកឲ្យឆាប់ចេះវារ ចូរដាក់ប្រដាប់់ក្មេងលេងនៅឲ្យឆ្ងាយពីដៃពួកគេ ហើយចាំមើលថាពួកគេអាចព្យាយាមទៅដល់គោដៅបានដែរឬទេ។ ការលូរ ឬវាអាចមានភាពយឺតយូរបន្តិចមុននឹងទៅដល់របស់លេង ប៉ុន្តែវាមិនមែនជាបញ្ហាទេ។ ទារកខ្លះចេះវារ និងបន្តោងទាញខ្លួនឯងឡើងឈរដោយគ្មានជំនួយពីអ្នកណា ហើយចុងក្រោយអាចដើរដោយខ្លួនឯងបានយ៉ាងល្អ។ នៅមានទារកខ្លះធ្វើការផ្លាស់ប្តូរទី ដោយរមៀលនៅលើឥដ្ឋ ប្រើគូថរំកិល ឬលូនជាដើម។

និយាយរួមទោះបីជាកូនរបស់អ្នកមិនចេះវារក៏ដោយ ប៉ុន្តែប្រសិនបើពួកគេមិនបញ្ហាក្នុងការអភិវឌ្ឍន៍ណាមួយ វាគ្មានបញ្ហាដែលអ្នកត្រូវព្រួយបារម្ភឡើយ៕

ទម្លាប់មិនល្អរបស់អ្នកម្តាយពេលមានផ្ទៃពោះ អាចធ្វើឲ្យកុមារក្លាយជាមនុស្សធាត់

Phireak DW — Fri, 04 Apr 2025 09:51:12 +0000

ការស្រាវជ្រាវបានបង្ហាញថា ក្មេងវ័យជំទង់ដែលកើតចេញពីម្តាយមានទម្លាប់ ញ៉ាំអាហារមានផាសុខភាព ធ្វើលំហាត់ប្រាណទៀតទាត់ រក្សាទម្ងន់រាងកាយបានល្អ មិនផឹកស្រា មិនជក់បារី ហាក់ដូចជាមិនជួបវិបត្តិធាត់នោះទេ បើធៀបទៅនឹងក្មេងវ័យជំទង់ដែលកើតចេញពីម្តាយអនុវត្តផ្ទុយពីនេះ គឺមាហានិភ័យធាត់រហូតដល់ទៅ ៨២ភាគរយ។

ការស្រាវជ្រាវទៅលើកុមារចំនួន ១,២៨២នាក់ មាន ៥,៣ភាគរយ បានវិវត្តទៅជាជំងឺធាត់អំឡុងពេលតាមដាន ៥ឆ្នាំជាមធ្យម។ ការធាត់ ជក់បារី និងអសកម្មក្នុងរាងកាយ ត្រូវបានផ្សារភ្ជាប់ជាមួយនឹងភាពធាត់លើសទម្ងន់ក្នុងចំណោមកុមារទាំងនោះ។

កុមារដែលកើតចេញពីអ្នកម្តាយដែលរក្សាទម្ងន់បានល្អ ហានិភ័យនៃភាពធាត់ថយចុះដល់ទៅ ៥៦ភាគរយ បើធៀបៅនឹងកុមារដែលកើតចេញពីម្តាយលើសទម្ងន់។ ម្យ៉ាងវិញទៀត កុមារដែលកើតចេញពីម្តាយមិនជក់បារីមានការថយចុះហានិភ័យនៃភាពធាត់ដល់ទៅ ៣១ភាគរយ បើធៀបទៅនឹងកុមារដែលកើតចេញពីម្តាយដែរជក់បារី។

វេជ្ជបណ្ឌិត Qi Sun ជាសាស្ត្រចារ្យផ្នែកអាហារូបត្ថម្ភបាននិយាយថា ញ៉ាំអាហារមានផាសុខភាព ធ្វើលំហាត់ប្រាណទៀតទាត់ រក្សាទម្ងន់រាងកាយបានល្អ មិនផឹកស្រា មិនជក់បារី អំឡុងពេលមានផ្ទៃពោះ អាចជួយកាត់បន្ថយហានិភ័យនៃភាពធាត់លើសទម្ងន់ចំពោះកូនទៅថ្ងៃអនាគត់ ដូច្នេះស្ត្រីមានផ្ទៃពោះទាំងឡាយគួរតែធ្វើឲ្យបាន ៕

របៀបថែរក្សាផ្ទៃពោះពីអំឡុងខែទី1 រហូតដល់ពេលកើត

Phireak DW — Mon, 31 Mar 2025 09:17:05 +0000

គ្រាន់តែបានដឹងពីការចាប់ផ្តើមបង្កកំណើតរបស់ទារកនៅក្នុងផ្ទៃភ្លាមអ្នកម្តាយក៏នឹកគិតដល់រឿងរ៉ាវជាច្រើនដែលត្រូវធ្វើក្នុងអំឡុងពេល9ខែទៅមុខទៀត ដើម្បីឲ្យកូនដែលនឹងប្រសូតមកមានសុខភាពល្អបរិបូរ។ខាងក្រោមនេះគឺជាតារាង To-Do List សម្រាប់ឲ្យអ្នកម្តាយគ្រប់រូបអាចអនុវត្តបាននៅពេលមានផ្ទៃពោះពីក្នុងអំឡុងខែទី1 រហូតដល់ពេលកើត ជាពិសេសមាតាថ្មោងថ្មីគ្រប់រូបកាន់តែមានភាពងាយស្រួលក្នុងការថែរក្សាទារកនៅក្នុងផ្ទៃឲ្យប្រកបទៅដោយសុវត្ថិភាពនិងមានសុខភាពមាំមួនល្អ។

ខែទី1
កត់ត្រាទុកថ្ងៃរដូវចុងក្រោយរបស់អ្នក,ប្រាប់ស្វាមីរបស់អ្នកអំពីដំណឹងមានផ្ទៃពោះនេះ និងចាប់ផ្តើមធ្វើការណាត់ជួបជាមួយគ្រូពេទ្យឲ្យបានទៀងទាត់, ចាប់ផ្តើមទទួលយកថ្នាំជាតិដែក, ប្រាប់សាច់ញាតិឬក្រុមការងារពីការមានផ្ទៃពោះរបស់អ្នក ដើម្បីឲ្យពួកគេអាចជួយសម្រួលការងារធ្ងន់ៗមួយចំនួន, ចាប់ផ្តើមបង្កើតសកម្មភាព ដើម្បីសុខភាពល្អជាមួយស្វាមីរបស់អ្នកដូចជា បោះបង់ចោលការជក់បារី និងទម្លាប់មិនល្អដែលនាំឲ្យប៉ះពាល់ដល់សុខភាព។ កាត់បន្ថយការទទួលទានជាតិកាហ្វេអីន, ពិភាក្សាជាមួយគ្រូពេទ្យអំពីឱសថដែលអាចមានផលប៉ះពាល់ដល់សុខភាពនៅក្នុងអំឡុងពេលមានផ្ទៃពោះ, ទទួលទានអាហារដែលមានប្រយោជន៍ និងមានជីវជាតិគ្រប់គ្រាន់, កុំធ្វើលំហាត់ប្រាណណាដែលបញ្ចេញកម្លាំងខ្លាំងពេក, សិក្សាឲ្យច្បាស់ថាតើអាហារណាខ្លះ ដែលអ្នកគួរចៀសវាង។

ខែទី2
ស្វែងរកចំណេះដឹងអំពីការមានគភ៌បន្ថែមទៀតតាមរយៈការអានឯកសារផ្សេង,ទទួលទានទឹកឲ្យបានគ្រប់គ្រាន់,ស្វែងយល់អំពីវិធីកាត់បន្ថយ និងសម្របខ្លួនជាមួយនឹងអាការចាញ់កូន, ផ្អាកការប្រើផលិតផលគីមី ដូចជា ថ្នាំសម្លាប់សត្វល្អិតជាដើម, កត់សំនួរទុកសម្រាប់សួរនៅពេលទៅជួបគ្រូពេទ្យលើកក្រោយ,ទិញអាវទ្រនាប់ខោទ្រនាប់ថ្មី ដែលមានសភាពទន់ ហើយមានទំហំធំជាងមុន។

ខែទី3
ចាប់ផ្តើមសន្សំប្រាក់ទុកសម្រាប់កូនតូច, ទទួលទានបន្លែ និងផ្លែឈើឲ្យបានច្រើន, ធ្វើអនាម័យ ដើម្បីការពារកុំឲ្យកើតជំងឺផ្សេង, ព្យាយាមចេញឲ្យឆ្ងាយពីការប្រើថ្នាំផ្សេងៗ តែបើអ្នកចាំបាច់ត្រូវតែប្រើនោះ គួរសាកសួរគ្រូពេទ្យឲ្យបានច្បាស់ពីប្រភេទថ្នាំទាំងនោះជាមុនសិន,បន្ថែមសំណើមឲ្យស្បែកពោះដើម្បីការពារអាការរមាស់ ឬស្ងួត, ចៀសវាងការងូតទឹកក្តៅបែបសូណាឬស្ទីមជាដើម។

ខែទី4
ពិនិត្យមើលភេទកូន(ប្រុស, ស្រី), ចាប់ផ្តើមប្តូរពីទម្លាប់គេងផ្កាប់ ឬត្រង់មកជាការគេងផ្អៀងវិញ, ទទួលទានអាហារក្រៅពេល(អាហារសម្រន់)ឲ្យបានញឹកញាប់,ទទួលទានជាតិកាល់ស្យូមឲ្យបានគ្រប់គ្រាន់។

ចំណែកឯខែបន្តបន្ទាប់ទៀត អ្នកក៏ត្រូវបន្ថែមសកម្មភាពជាច្រើនដូចជា បង្កើតទម្លាប់ដើរលេងៗជារៀងរាល់ព្រឹក ឬរាល់ល្ងាច, ចាប់ផ្តើមធ្វើលំហាត់ប្រាណបែបស្រាលៗ ការដើរទិញសម្លៀកបំពាក់សម្រាប់ស្ត្រីមានផ្ទៃពោះ, រកឈ្មោះដាក់ឲ្យកូន, ស្វែងរកគ្រូពេទ្យ និងមន្ទីរពេទ្យដែលអ្នកនឹងត្រូវទៅសម្រាលកូន, ដោះចិញ្ចៀនខ្សែដៃឬ នាឡិកាទុក ចៀសវាងការតឹងណែននៅពេលដែលអ្នកឡើងទម្ងន់⁣ឬមានអាការហើម, ទិញសម្ភារៈប្រើប្រាស់ទុកសម្រាប់ទារកពេលកើត, បោកអ៊ុតសម្លៀកបំពាក់ ឬរបស់ប្រើប្រាស់សម្រាប់ទារកទុកឲ្យហើយ, រៀបចំសម្ភារៈដែលត្រូវយកទៅមន្ទីរពេទ្យទុកមួយឡែក។ល។ សូមចងចាំថាការទទួលទានអាហារ ដែលមានប្រយោជន៍សម្រាប់រាងកាយ ការធ្វើលំហាត់ប្រាណគឺជាសកម្មភាពដែលអ្នកត្រូវធ្វើជារៀងរាល់ថ្ងៃ ចំណែកឯការទៅជួបជាមួយគ្រូពេទ្យត្រូវធ្វើឡើងជារៀងរាល់ខែ ដើម្បីតាមដាន⁣ការលូតលាស់របស់ទារកព្រមទាំងសុខភាពរបស់អ្នកម្តាយផងដែរ ស្វែងយល់ជាបណ្តើរៗអំពីវិធីថែរក្សាកូនតូច៕

ស្ត្រីតាំងគភ៌ ញ៉ាំមីកញ្ចប់បានឬទេ?

Phireak DW — Tue, 25 Mar 2025 08:41:36 +0000

ស្ត្រីតាំងគភ៌បរិភោគមីសម្រេច ឬកញ្ចប់បាន តែត្រូវប្រយ័ត្នប្រយ៉ែង មិនត្រូវទទួលទានច្រើនពេកទេ ព្រោះនៅក្នុងមីកញ្ចប់មានអំបិល ខ្លាញ់ និងសារធាតុការពារចំណីអាហារ ប្រសិនបើស្ត្រីមានផ្ទៃពោះទទួលទានជារៀងរាល់ថ្ងៃ អាចមានផលប៉ះពាល់ដល់ទារកនៅក្នុងផ្ទៃបាន ។ ដូច្នោះហើយ ត្រូវតែកំណត់ការទទួលទានមីកញ្ចប់នៅក្នុងបរិមាណណាមួយ ប្រសិនបើស្ត្រីតាំងគភ៌មិនបានទៅពិភាក្សាជាមួយគ្រូពេទ្យជាមុនឡើយ។

បើបានដឹងថា នៅអម្លុងពេលតាំងគភ៌ ស្ត្រីមានផ្ទៃពោះនិងមានអាការឃ្លានខ្លាំង ចង់តែញ៉ាំមីកញ្ចប់ ដែលបញ្ហានេះ មិនអាចនិយាយបានទេ ត្រូវតែទទួលទានដោយការបន្ថែមបន្លែ សាច់ ចូលទៅជាមួយគ្នា និងសូមកុំទទួលទានរាល់ថ្ងៃពេកណា ដើម្បីសុវត្ថភាពដល់សុខភាពរបស់អ្នកម្ដាយ និងទារកតូចដែលនៅក្នុងផ្ទៃផងដែ៕

តួនាទីលោកឪពុកក្នុងការចិញ្ចឹមកូនក្រោយពេលភរិយាសម្រាលកូនរួច

Phireak DW — Tue, 25 Mar 2025 08:37:50 +0000

លោកឪពុកជាច្រើននាក់តែងយល់ខុសមកជានិច្ចថា ខ្លួនឯងស្ទើរតែគ្មានតួនាទីអ្វីឡើយក្នុងការរួមចំណែកឱ្យកូនតូចសម្លាញ់បានបៅទឹកដោះម្តាយយ៉ាងពេញលេញបរិបូរណ៍នោះ ព្រោះតួនាទីទាំងអស់ អ្នកម្តាយ ឬភរិយាជាអ្នកទទួលធ្វើតែម្នាក់ឯងទាំងអស់ហើយ តែយើងសូមប្រាប់នៅពេលនេះថា…គឺជាការគិតដែលខុសស្រឡះ។ ឪពុកក៏ជាមនុស្សសំខាន់ប្រហាក់ប្រហែលនឹងម្តាយដែរ ក្នុងការជួយឱ្យការចិញ្ចឹមកូនដោយទឹកដោះម្តាយទទួលបានជោគជ័យ និងកន្លងផុតទៅយ៉ាងល្អ ព្រោះឪពុកគឺជាជំនួយការលេខមួយរបស់ម្តាយក្នុងរឿងដូចតទៅនេះ៖

1 – ជួយមើលថែទាំកូនច្បង ខណៈដែលភរិយាបំបៅទឹកដោះកូនប្អូន។
2 – ជួយបីកូនតូច លួងលោមឱ្យបាត់យំ លេងជាមួយកូន ខណៈដែលភរិយាកំពុងគេងសម្រាកយកកម្លាំង។
3 – ជួយលាងសម្អាត និងចំហុយដបទឹកដោះគោសម្លាប់មេរោគ ជួយភរិយាធ្វើការងារផ្ទះ ដើម្បីកុំឱ្យភរិយាមិនចាំបាច់នឿយហត់ខ្លាំងពេក។
4 – ជួយលើកកូនតូចសម្លាញ់បីឡើងដើម្បីឱ្យបានភើបន្ទាប់ពីបៅទឹកដោះម្តាយរួច ជួយលាងសម្អាតគូទ ផ្អូតទឹកកូនជំនួសអ្នកម្តាយនៅពេលខ្លះដែលភរិយាមិនទំនេរ។
5 – ជួយរកអាហារដែលមានប្រយោជន៍មកឱ្យភរិយាញ៉ាំដើម្បីបង្កើនគុណភាពទឹកដោះ។
6 – នាំភរិយាទៅដើរលេងកំសាន្ត សម្រាកលំហែកាយ ព្រោះនៅពេលដែលភរិយាមានសេចក្តីសុខ ទឹកដោះនឹងផលិតចេញមកច្រើន។
7 – ជួយអធិប្បាយ ផ្តល់ដំណឹងយ៉ាងសុភាពទន់ភ្លន់ តែទទួលបានផលល្អ ទៅមនុស្សដែលនៅជុំវិញខ្លួន ជាពិសេសចាស់ទុំខាងស្វាមីខ្លួនឯង ឱ្យបានយល់ដឹងយ៉ាងត្រឹមត្រូវអំពីការជួយភរិយាក្នុងការមើលថែទាំកូនតូចនេះ។
8 – និយាយលើកទឹកចិត្ត និងសរសើរភរិយាឱ្យបានញឹកញាប់ សម្រាប់ការលះបង់ដែលភរិយាខំពុះពារព្យាយាមក្នុងការបំបៅទឹកដោះកូន មិនថាតែការសុខចិត្តអត់ងងុយ ភ្ញាក់ឡើងមកឱ្យកូនបៅទឹកដោះញឹកញាប់រៀងរាល់យប់ ទ្រាំឈឺចាប់នៅពេលក្បាលដោះបែក ឬរលាកជាដើម និងការតមអាហារជាច្រើនយ៉ាងក្នុងករណីដែលកូនតូចមានប្រតិកម្មចាញ់ជាមួយក្រុប្រូតេអុនប្រថុយប្រថានមួយចំនួន។
9 – ជួយថើបថ្ពាល់ភរិយាថ្នមៗឱ្យបានញឹកញាប់ ដើម្បីឱ្យអ្នកម្តាយមានកម្លាំងចិត្តក្នុងការបំបៅទឹកដោះកូនក្នុងពេលបន្តៗទៀត៕