ខាងក្រោមនេះជាអាហារ ៣ ក្រុម ដែលស្រ្តីជាម្ដាយ គួរទទួលទានក្រោយពេលសម្រាលកូន។

១-អាហារធ្វើឱ្យស្រ្តីរឹងមាំ៖ អាហារប្រភេទនេះមាននៅក្នុងសាច់សត្វ និងគ្រាប់ធញ្ញជាតិ។ អាហារដែលធ្វើឱ្យស្ត្រីមានភាពរឹងមាំ (រឹងដៃរឹងជើង) ឡើងវិញ ក្រោយពេលសម្រាលកូន មាននៅក្នុងសាច់សត្វ (ដូចជាសាច់គោ ជ្រូក មាន់ ទា ត្រី កង្កែប អន្ទង់ ក្ដាម ស៊ុតជាដើម) និងគ្រាប់ធញ្ញជាតិ (ដូចជាសណ្ដែកសៀង សណ្ដែកដី ពោត និងតៅហ៊ូជាដើម)។

២-អាហារផ្ដល់ថាមពល៖ អាហារប្រភេទនេះមាននៅក្នុងជាតិស្ករ។ អាហារដែលមានរសជាតិផ្អែម គឺផ្ដល់ថាមពលដល់ស្រ្តីដែលទើបតែសម្រាលកូន។ អាហារទាំងនោះរួមមាន អាហារមានផ្ទុករសជាតិស្ករត្នោត ស្ករអំពៅ ទឹកឃ្មុំ ទឹកអំពៅ និងទឹកដូងខ្ចីជាដើម។ ព្រមទាំងអាហារមួយចំនួនដូចជា ខ្លាញ់់ជ្រូក ខ្លាញ់ត្រីប្រេងសណ្ដែក និងចេកណាំវ៉ា ជាដើម ។ រួមទាំង បាយ បបរ ដំឡូង ពោត ឬនំបញ្ចុកផងដែរ។

៣-អាហារការពារ៖ អាហារប្រភេទនេះមាននៅក្នុងបន្លែ។ អាហារដែលផ្ដល់ថាមពលការពារ និងទប់ស្កាត់ពីជម្ងឺផ្សេងៗ មាននៅក្នុងបន្លែបង្ការដែលមានពណ៌បៃតង។ ក្រៅពីនេះ មានដូចជា ត្រួយស្ដៅ ក្រូចឆ្មារ ថ្លើមសត្វគ្រប់ប្រភេទ និងផ្លែឈើ ដែលមានពណ៌លឿងទុំ ដូចជាល្ហុង ល្ពៅ និងផ្លែសេដាជាដើម។

ដូច្នេះ ក្រោយពេលសម្រាលកូន ស្រ្តីជាម្ដាយគ្រប់រូប គួរតែបរិភោគអាហារូបត្ថម្ភឱ្យបានត្រឹមត្រូវ ទើបមានសុខភាពល្អ និងមានទឹកដោះគ្រប់គ្រាន់។

សូមបញ្ជាក់៖ ក្រោយពេលសម្រាលកូន ស្រ្តីជាម្ដាយគ្រប់រូបគួរតែទទួលទានអាហារ ៣ ក្រុមនេះ ឱ្យបានច្រើនជាមុន ឬឱ្យបានរយៈពេលយូរថ្ងៃសិន សឹមទទួលទានអាហារដែលមានរសជាតិហឹរ ដើម្បីកាត់ជាតិឆ្អេះឆ្អាបនៅក្នុងខ្លួន ឬធ្វើឱ្យសរសៃឈាមមានភាពរឹងមាំ ឬហៅថាហូបហឺរឱ្យចាស់សរសៃ ។ ម្យ៉ាងវិញទៀត ឪពុកម្ដាយត្រូវយកទារក ដែលទើបនឹងកើតទៅចាក់ថ្នាំបង្ការជម្ងឺផ្សេងៗ តាមវេជ្ជបញ្ជារបស់គ្រូពេទ្យ ឱ្យបានទៀងទាត់ពេលវេលា។ ជាមួយគ្នានេះដែរ ស្ដ្រីជាម្ដាយទាំងអស់ គួរតែបំបៅកូនដោយទឹកដោះផ្ទាល់​ ព្រោះមានសារធាតុចិញ្ចឹមច្រើនប្រភេទ និងគ្រប់គ្រាន់ដែលអាចទប់ស្កាត់នូវជម្ងឺមួយចំនួនមិនឱ្យមកយារយី៕

បុរសៗ ទទួលទានផ្លែប៉េងប៉ោះ គឺកាត់បន្ថយការប្រឈមមុខនិងជម្ងឺមហារីក​ក្រ​ពេញ​ពង​ស្វាស​ ដល់​ទៅ​ ៤៥​ ភាគរយ។

ដូច្នេះ សម្រាប់បុរសៗដែលចង់បានសុខភាពមេជីវិតល្អ និងមានសមត្ថភាពខ្ពស់កាត់បន្ថយបញ្ហាប្រឈមអត់កូន គួរតែចាប់ផ្ដើមទទួលទានផ្លែប៉េងប៉ោះយ៉ាងហោចណាស់ឱ្យបាន ១០​ ផ្លែ​ ឬ​ច្រើន​ជាង​នេះ​ក្នុងមួយសប្ដាហ៍។

សូមបញ្ជាក់ថា៖ គួរទទួលទានផ្លែប៉េងប៉ោះទុំ ទើបមានប្រសិទ្ធភាពខ្ពស់ ហើយប្រសិនបើយកប៉េងប៉ោះទៅកំដៅភ្លើងថែមទៀតទើបរឹតតែអស្ចារ្យ ព្រោះប៉េងប៉ោះនឹងបញ្ចេញសារធាតុ លីកូពីន កាន់តែច្រើន ដែលជំនួយដល់សុខភាពមេជីវិតរបស់បុរសរឹតតែប្រសើរឡើង៕

កូឡាជែន (Collagen) គឺជាជាតិប្រូតេអ៊ីម្យ៉ាងមានលក្ខណៈរឹង មិនរលាយ និងរាងជាសរសៃៗ ដែលផលិតឡើងក្នុងរាងកាយរបស់យើងស្រាប់ មានមុខងារជាចម្បងជំនួយដល់សម្រស់។ ទំនាក់ទំនងរវាងកូឡាជែន បានផ្សារភ្ជាប់យ៉ាងខ្លាំងជាមួយស្បែក សរសៃសក់ ក្រចក និងឆ្អឹង។ ជាក់ស្ដែង ប្រសិនបើក្នុងរាងកាយរបស់យើងមានផ្ទុកជាតិកូឡាជែនច្រើន នោះស្បែក សរសៃសក់ ក្រចក និងឆ្អឹង ក៏មានសុខភាពល្អ រឹងមាំ និងសម្រស់ស្រស់ស្អាតទៅតាមនោះផងដែរ។ ជាមួយគ្នានេះ បើក្នុងរាងកាយរបស់យើងផ្ទុកជាតិកូឡាជែនច្រើន ទោះបីជាយើងឈានចូលវ័យចំណាស់ ក៏យើងមិនសូវប្រឈមខ្លាំងលើបញ្ហាស្បែកចាស់ ជ្រីវជ្រួញ។

ម្យ៉ាងវិញទៀត ការទទួលទានអាហារ ពិតជាមានទំនាក់ទំនងខ្លាំងណាស់ជាមួយសុខភាព និង សម្រស់។ ហើយអាហារដែលសម្បូរជាតិកូឡាជែន នឹងជំនួយដល់សម្រស់ទ្វេដង បើប្រៀបធៀបទៅនឹងអាហារពុំសូវផ្ទុកជាតិកូឡាជែន។

ខាងក្រោមនេះជាប្រភេទអាហារផ្ទុកជាតិកូឡាជែនច្រើន៖ 

– បន្លែ និងផ្លែឈើមានពណ៌ទឹកក្រូច ដូចជា មើមការ៉ុត ល្ពៅ ល្ហុង ក្រូចថ្លុង អាព្រីកូត ត្រសក់ស្រូវ និងត្រសក់ផ្អរ
– បន្លែពណ៌បៃតង និងផ្លែឈើរសជាតិជូរ និងអម្បូរក្រូច
– ប្រភេទអាហារផ្ទុកជាតិស័ង្កសីច្រើន ដូចជា គ្រឿងសមុទ្រ សាច់ក្រហម ស៊ុតផ្នែកពណ៌ស ទំពាំងបារាំង សណ្តែកសៀង និងគ្រាប់ធញ្ញជាតិ
– ប្រភេទអាហារសម្បូរសារជាតិខ្លាញ់ត្រី អូមេហ្គា ៣ ដូចជា ត្រីសាម៉ុង ត្រីសាឌីន និងត្រីធូណា៕

ដូច្នេះ ការទទួលទានចំណីអាហារក្នុងអំឡុងពេលពរពោះ គឺជារឿងសំខាន់ដែលស្រ្តីពរពោះគ្រប់រូបគួរយកចិត្តទុកដាក់។

ខាងក្រោមនេះជាការបង្ហាញជូនពីអាហារដែលស្រ្តីពរពោះ

១. អាហារផ្ទុកវីតាមីនដែលស្រ្តីមានផ្ទៃពោះគួរទទួលទាន

– ជាធម្មតាអាហារសម្រាប់ស្រ្តីពរពោះផ្ទុកជាតិវីតាមីន និងជាតិរ៉ែខនិជជាច្រើន ជាអាទិវីតាមីនអា បេ សេ ដេ អឺ និងកា។

– ចំពោះជាតិវីតាមីន និងរ៉ែខនិជដែលសំខាន់ខ្លាំងក្នុងចំណីអាហារសម្រាប់ស្ដ្រីមានផ្ទៃពោះគឺ វីតាមីនដេ វីតាមីនបេ៩ រ៉ែខនិជកាល់ស្យូម ជាតិដែក និងជាតិអ៊ីយ៉ូដ។

២. ផលប៉ះពាល់នៃការកង្វះវីតាមីនក្នុងចំណីអាហាររបស់ស្រ្តីមានផ្ទៃពោះ 

– ក្នុងអំឡុងពេលមានផ្ទៃពោះ ទារកកំពុងតែលូតលាស់ក្នុងផ្ទៃ តាមរយៈការស្រូបយកសារធាតុចិញ្ចឹម វីតាមីន និងរ៉ែខនិជពីម្ដាយ។ ដូច្នេះ ក្នុងករណីដែលស្រ្តីមានផ្ទៃពោះ ស្ថិតក្នុងស្ថានភាពកង្វះជាតិវីតាមីន និងរ៉ែខនិជក្នុងរាយកាយ វានឹងធ្វើឱ្យប៉ះពាល់ដល់ការលូតលាស់របស់ទារក និងសុខភាពផ្ទាល់ខ្លួនផងដែរ (ស្រ្តីមានផ្ទៃពោះ ស្ថិតក្នុងលក្ខខណ្ឌខ្សោយកម្លាំង នឹងត្រូវការបំប៉នសុខភាពជាចាំបាច់)។ ទន្ទឹមនឹងនេះដែរ ការទទួលទានបារី និងគ្រឿងស្រវឹងត្រូវបានហាមចំពោះស្រ្តីពរពោះ ព្រោះវាធ្វើឱ្យប៉ះពាល់ដល់លូតលាស់សរីរាង្គរបស់ទារក និងភាពឆ្លាតវ័យរបស់ទារក៕

រោគសញ្ញាគួរកត់សម្គាល់នៃជំងឺគ្រុនឈាមលើកុមារ៖

– ក្តៅខ្លួនខ្លាំង

– ឈឺក្បាល

– ឈឺសាច់ដុំ, ឆ្អឹង និងសន្លាក់

– ឈឺនៅខាងក្រៅភ្នែក

– ចេញកន្ទួលក្រហមៗពេញខ្លួន

– ក្អួត និងចង្អោរ

– ហូរឈាមតិចតួចពីក្នុងអញ្ចាញធ្មេញ ឬច្រមុះ។

ប៉ុន្តែប្រសិនបើកុមារកើតជំងឺគ្រុនឈាមធ្ងន់ធ្ងរ លោកអ្នកនឹងឃើញមានចេញរោគសញ្ញាដូចជា៖

– ការហូរឈាមចេញពីច្រមុះ និងមាត់

– ឈឺពោះធ្ងន់ធ្ងរ

– ក្អួតជាប់រហូត

– ហូរឈាមក្រោមស្បែក ដែលមើលទៅដូចជាជាំៗ

– មានបញ្ហានៅសួត, ថ្លើម និងបេះដូង៕

មូលហេតុធ្វើឱ្យសុដន់របស់អ្នកយារធ្លាក់ ដោយសារតែទម្លាប់រស់នៅមិនល្អមួយចំនួន៖

• ពាក់អាវទ្រនាប់ដែលមានទំហំប៉ុនសុដន់របស់អ្នក។ ដូច្នេះសូមកុំពាក់អាវទ្រនាប់តឹង និងធំជាងសុដន់របស់អ្នក ព្រោះវាជាមូលហេតុជម្រុញឱ្យសុដន់យារមុនវ័យ។
• ងូតទឹកក្ដៅឧណ្ហៗ ថ្វីត្បិតតែធ្វើឱ្យអារម្មណ៍ល្អ ស្រួលខ្លួនមែន តែវាបានចូលរួមចំណែកធ្វើឱ្យសុដន់របស់អ្នកយារផងដែរ។ ដូច្នេះ គួរតែចៀសវាង ឬយូរៗម្ដង។

ចំពោះដោះស្រាយបញ្ហាសុដន់ធ្លាក់យារ ឱ្យតឹងណែនឡើងវិញ៖

• ការវះកាត់ ឬកែសម្ភស្ស ជារឿងដ៏ពេញនិយមរបស់សុភាពនារីគ្រប់រូប តែវាក៏ប្រឈមនឹងបញ្ហាសុខភាពផងដែរ។ ដូច្នេះ បើអាចគួរតែចៀសវាងវិធីសាស្រ្តនេះ។
• ល្អបំផុត គឺធ្វើលំហាត់ប្រាណ ដែលមានអំណោយផលដល់ការបន្តឹងសុដន់ឡើងវិញ។ ការធ្វើលំហាត់ប្រាណ មិនត្រឹមតែធ្វើឱ្យរាងស្លីម ស្បែកស្រស់ស្អាត ក្មេងជាងវ័យ និងជួយកម្ចាត់មេរោគក្នុងខ្លួននោះទេ ថែមទាំងជួយធ្វើឱ្យសុដន់តឹងណែន មិនងាយជ្រាយ និងយារថែមទៀតផង។
• ចំពោះការប្រើប្រាស់ផលិតផល គួរតែសួរអ្នកជំនាញ និងដឹងព័ត៌មានឱ្យបានច្បាស់លាស់ ចៀសវាងមានហានិភ័យកើតឡើង
• ការថែរក្សាតុល្យភាពនៃទម្ងន់ ជាផ្នែកមួយដែលចូលរួមចំណែកទប់ស្កាត់បញ្ហាសុដន់យារធ្លាក់ផងដែរ៕

បន្ថែមពីលើហេតុផលខាងលើ ការស្រាវជ្រាវមួយបានឱ្យដឹងថា ប្រសិនបើក្នុងមួយថ្ងៃយើងផឹកទឹកផ្លែឈើសុទ្ធចម្រាញចេញពីធម្មជាតិពិតៗបន្ថែមទៀត វានឹងជួយបង្កើនសារធាតុចិញ្ចឹមជួយទ្រទ្រង់រាងកាយ ដូចជា បង្កើនប្រសិទ្ធភាពប្រព័ន្ធភាពស៊ាំប្រឆាំងជំងឺ បង្កើនថាមពល បណ្ដេញជាតិពុល សម្រស់ផូរផង់ និងជួយសម្រកទម្ងន់ឱ្យរាងស្អាតថែមទៀតផង។

ជាក់ស្ដែងខាងក្រោមនេះជាអត្ថប្រយោជន៍នៃទឹកផ្លែឈើធម្មជាតិក្រឡុក៖

១. ទឹកក្រូចពោធិ៍សាត់ក្រឡុកលាយជាមួយក្រូចខ្វិច
– ជំនួយប្រព័ន្ធរំលាយអាហារ បណ្តេញជាតិពុល ជួយរក្សាស្បែកឱ្យមានសុខភាពល្អ និងកាត់បន្ថយការរលាក។
២. ទឹកផ្លែបឺក្រឡុក 
– ផ្តល់នូវសារធាតុរ៉ែសំខាន់ៗដល់រាងកាយ បណ្តេញជាតិពុល បង្កើនប្រព័ន្ធភាពស៊ាំប្រឆាំងជំងឺ ធ្វើឱ្យអារម្មណ៍ល្អ ទប់ស្កាត់ការកើតឡើង និងបន្ថយនៃស្ត្រេស។
៣. ទឹកឪឡឹកក្រឡុក
– បង្កើនជាតិទឹកក្នុងខ្លួន ជួយធ្វើឱ្យអារម្មណ៍ល្អ បណ្តេញជាតិពុលពីរាងកាយ សម្រួលដល់លំហូរឈាម ប្រឆាំងការរលាក បង្កើនប្រព័ន្ធភាពស៊ាំប្រឆាំងជំងឺ។ សម្រាប់អ្នកធ្វើការ និងរៀនសូត្រដល់យប់ជ្រៅគួរពិសាឪឡឹក។
៤. ទឹកស្ត្របឺរីក្រឡុកជាមួយគីវី 
– ទឹកផ្លែឈើទាំងពីរនេះជាកំពូលអ្នកបណ្តេញសារធាតុពុលពីរាងកាយ ហើយរឹតតែពិសេសគឺស្ត្របឺរី ជាកំពូលផ្លែឈើប្រឆាំងមហារីក និងជំរុញប្រព័ន្ធភាពស៊ាំ
៥. ទឹកដូងក្រឡុក
– ជួយសម្អាតជាតិពុលចេញពីពោះវៀន និងក្រពះ និងបង្កើនថាមពលដល់រាងកាយជាដើម។ តែទឹកដូង មិនត្រូវបានណែនាំឱ្យផឹកច្រើនផ្លែក្នុងមួយថ្ងៃឡើយ។

ចំណាំ៖ ទោះបីជាទឹកផ្លែឈើផ្ដល់អត្ថប្រយោជន៍ចំពោះសុខភាពក៏ពិតមែន ក៏ប៉ុន្តែយើងមិនគួរផឹកវាច្រើនពេកនោះទេក្នុងមួយថ្ងៃ។

១. តើហេតុអ្វីបានជាសក់ក្បាលរបស់ខ្ញុំកើតអង្គែ?

ការកកើតនៃអង្គែនៅលើស្បែកក្បាល អាចបង្កពីកត្តារួមផ្សំជាច្រើន ដូចជា៖
• ការរលាក ដែលច្រើនកើតរួមជាមួយសញ្ញាក្រហមស្បែកក្បាល របកស ឬលឿង
• ការកក់សក់មិនបានញឹកញាប់ធ្វើឱ្យស្បែកក្បាលឡើងប្រេងខ្លាំង កកដុំ ក្លាយជាអង្កែ
• ការបង្ករោគពីផ្សិត ពិសេសពពួកផ្សិតមាននៅលើក្បាលស្រាប់ និងភាគច្រើនក្មេងជំទង់
• ករណីមានស្បែកស្ងួតជាប្រចាំ និងមិនបានព្យាបាល ឬបំពេញជាតិទឹកបន្ថែមគ្រប់គ្រាន់
• ប្រតិកម្មជាមួយនឹងសារធាតុណាមួយក្នុងផលិតផលថែរក្សាសក់។

កត្តាហានិភ័យដោយឡែកគឺ អង្គែច្រើនកើតលើក្មេង និងមនុស្សវ័យកណ្តាលជាងមនុស្សចាស់ ហើយកើតលើបុរសច្រើនជាងស្ត្រី។ ម៉្យាងទៀត អ្នកមានសក់ ឬស្បែកក្បាលប្រេងងាយកើតអង្គែបំផុត។ តាមការសិក្សាមួយបានបង្ហាញថា ការមានមានអង្គែអាចទាក់ទងនឹងជំងឺលើប្រព័ន្ធសរសៃប្រសាទដូចជាជំងឺ Parkinson ជាដើម។

២. តើមានវិធីសាស្ត្រអ្វីខ្លះក្នុងការបង្ការអង្គែ? 

អង្គែអាចកើតម្តងហើយម្តងទៀតបានគ្រប់ពេលបើមិនរក្សាអនាម័យឱ្យបានខ្ជាប់ខ្ជួនទេនោះ។ ដូច្នេះ អ្នកត្រូវរក្សាស្បែកក្បាល ដោយកក់សក់ជាទៀងទាត់យ៉ាងហោចណាស់៣ ដងក្នុងមួយសប្តាហ៍ និងធ្វើការម៉ាស្សាថ្នមៗ។ ចៀសវាងការប្រើសារធាតុគីមីលើស្បែកក្បាល ដូចជាលាបពណ៌សក់ ជែលលាបសក់ ស្ព្រៃយន៍បាញ់សក់ និងកាត់បន្ថយស្ត្រេសជាដើម៕

ការផឹកទឹកឈរ អាចបណ្ដាលឱ្យទឹកហូរចុះក្រោមត្រង់ ដោយមិនបានហូរចូលទៅកាន់ផ្នែកផ្សេងៗទៀតនោះទេ។ ករណីនេះ អ្នកជំនាញអះអាងថា ទឹកដែលហូរមកត្រង់បែបនេះ អាចនឹងប៉ះពាល់ដល់ក្រលៀនរបស់អ្នក។

តើផឹកទឹករបៀបណា ទើបជាការត្រឹមត្រូវ?

ការផឹកទឹក គឺល្អសម្រាប់សុខភាព លើកលែងតែអ្នកដែលមានបញ្ហាបេះដូងប៉ុណ្ណោះ។ វាអាចជួយបង្ការបញ្ហាសុខភាពមួយចំនួន ប៉ុន្តែវានឹងផ្ដល់ផលល្អ បើសិនជាអ្នកអាចផឹកទឹកបានត្រឺមត្រូវ។ ​ដូច្នេះ លោកអ្នកគួរតែផ្លាស់ប្តូរនៃការផឹកទឹក ដោយអង្គុយវិញ ទើបល្អប្រសើរ៕

– បំបៅកូនដោយទឹកដោះជារៀងរាល់ថ្ងៃ

– ធ្វើលំហាត់ប្រាណតាមលទ្ធភាព និងអាចសាកលើវត្ថុដែលមានទម្ងន់ល្មម

– ការជ្រើសរើសយកវិធីសម្រកទម្ងន់ ដោយការតមអាហារមិនមែនជារឿងល្អនោះទេ វាធ្វើឱ្យបាត់បង់ជីវជាតិក្នុងខ្លួន និងមិនបានជួយសម្រកទម្ងន់ច្រើនឡើយ។ ផ្ទុយទៅវិញ គួរតែជ្រើសរើសទទួលទានអាហារណាដែលមានសារធាតុចិញ្ចឹមគ្រប់គ្រាន់។ តែយ៉ាងណាគួរតែកាត់បន្ថយការទទួលទានអាហារសម្បូរជាតិកាឡូរីខ្ពស់។

– ក្រោយពេលសម្រលកូនម្ដាយគ្រប់រូបសុទ្ធតែមានអារម្មណ៍តានតឹង។ បញ្ហាស្រ្តេស និងតានតឹងក្នុងអារម្មណ៍សុទ្ធតែជាដើមហេតុធ្វើឱ្យឡើងទម្ងន់ ដូច្នេះ គួរតែរកវិធីធ្វើឱ្យខ្លួនឯងរីករាយ ឬសប្បាយចិត្ត មិនគួរបណ្ដោយខ្លួនតាមអារម្មណ៍មួរម៉ៅឡើយ។

ចំណាំ៖ ភាគច្រើននៃស្រ្តីក្នុងអំឡុងពេលពរពោះ និងក្រោយពេលសម្រាលកូន គីឡូរបស់ពួកគេឡើងខុសពីធម្មតា៕

អ្នកត្រូវដឹងថា អាហារដែលអ្នកចូលចិត្តញ៉ាំ អាចមានផលល្អដល់ស្បែករបស់អ្នកធ្វើឱ្យអ្នកមើលទៅក្មេងជាងវ័យ និងអាចបំផ្លាញ់កោសិកាស្បែករបស់អ្នកដែលធ្វើឱ្យអ្នកមើលទៅអាយុតិចតែមុខចាស់។

ដូច្នេះ បើមិនចង់ចាស់មុនអាយុ អ្នកគួរតែចៀសវាងអាហារទាំង ៨ ប្រភេទខាងក្រោមនេះ ៖ 

១. អាហារមានរសជាតិផ្អែម៖ តាមទ្រឹស្តីបទ នៅពេលអ្នកទទួលទានជាតិស្ករច្រើនជាងកោសិការបស់អ្នកដំណើរការ ជាតិស្ករដែលនៅសល់ភ្ជាប់ជាមួយប្រូតេអ៊ីន ដែលអាចបំផ្លាញជាតិកូឡាជែនរបស់ស្បែក។ ម៉្យាង ជាតិស្ករអាចស្អិតជាប់ធ្មេញរបស់អ្នក បង្កើនបាក់តេរី ឱ្យធ្មេញពុក និងឡើងពណ៌ស្រអាប់។ ដូច្នេះ ប្រសិនអ្នកទទួលទានអាហារមានរសជាតិផ្អែម ឬបង្អែម អ្នកត្រូវមានទម្លាប់ខ្ពុរមាត់ជាមួយទឹកបន្ទាប់ពីញ៉ាំ។

២. ជាតិអាល់កុល៖ កាលណាថ្លើមរបស់អ្នកមានសុខភាពល្អ វាមានន័យថាអ្នកក៏កំពុងមានស្បែកដែលមានសុខភាពល្អដូច្នេះដែរ។ ដោយហេតុថាកាលណាដំណើរការរបស់ថ្លើមល្អ ជាតិពុលមួយចំនួនដែលអាចផ្តល់ផលប៉ះពាល់ដល់ស្បែកក៏ត្រូវបានបញ្ចេញដោយធម្មជាតិពីរាងកាយដែរ។ ប៉ុន្តែប្រសិនជាតិពុលស្តុកក្នុងថ្លើមកើនឡើងដោយសារផលទទួលបានពីការញ៉ាំជាតិអាល់កុល ឬសុរាញឹកញាប់ នោះអ្នកនឹងកើតមុន រួមនឹងស្នាមជ្រីវជ្រួញមិនខាន។ លើសពីនេះ អាល់កុលបន្ថយជាតិទឹកក្នុងរាងកាយ និងប៉ះពាល់ដល់ការគេងរបស់អ្នកទៀតផង។ ការគេងមិនគ្រប់គ្រាន អាចបង្កជាស្នាមជ្រួញ ស្នាមអុជខ្មៅ និងបន្ថយភាពរលាស់នៃស្បែក។

៣. អាហារប្រៃ៖ ទោះបីអ្នកមិនចម្អិតអាហារដោយដាក់អំបិលក៏ដោយ អ្នកនៅតែមិនអាចធានាបានថាអាហាររបស់អ្នកមានជាតិសូដ្យូមតិចនោះដែរ។ ជាតិសូដ្យូមច្រើនអាចឱ្យរាងកាយរបស់អ្នករក្សាទុកជាតិទឹក និងបង្កឱ្យអ្នកមើលទៅហើម។

៤. អាហារហឹរ៖ រាល់អាហារដែលធ្វើឱ្យអ្នកហឹរតែងធ្វើឱ្យអ្នកមានបញ្ហាស្បែកធ្ងន់ធ្ងរ និងជា ពិសេសស្ត្រីអស់រដូវ។ សរសៃឈាមក្នុងស្បែកនឹងឆាប់ទទួលរងប្រតិកម្ម និងធ្វើឱ្យសរសៃឈាមរីក។ ស្ត្រីអស់រដូវអាចឃើញថាស្បែករបស់ពួកគេមើលទៅជាំខ្មៅ និងកាន់តែចាស់។

៥. សាច់ដែលខ្លោចខ្មៅ៖ ការទទួលទានសាច់អាំងចៀសមិនផុតពីការអាំងខ្លោច ឬមានកម្ទេចខ្មៅនៅជាប់សាច់អាំងរបស់អ្នកនោះទេ។ កម្ទេចកម្ទីពណ៌ខ្មៅទាំងនោះ អាចបំផ្លាញកូឡាជែនក្នុងស្បែករបស់អ្នក។ ដូច្នេះ ប្រសិនអ្នកចូលចិត្តញ៉ាំសាច់អាំង អ្នកត្រូវប្រាកដថាអាំងមិនឱ្យខ្លោច និងសម្អាតប្រដាប់ដែលដាក់អាំងឱ្យស្អាត។

៦. សាច់កែច្នៃ៖ ការទទួលទានសាច់ក្រក សាច់ប្រហិត ដែលត្រូវបានកែច្នៃ និងរក្សាទុកបានយូរ ច្រើនមានផ្ទុកនូវសារធាតុ sulfites និងសារធាតុរក្សាទុកផ្សេងទៀត។ សារធាតុទាំងនោះ អាចបង្កើនការរលាកលើស្បែក និងពន្លឿនភាពចាស់។ ម៉្យាងទៀត សាច់ទាំងនេះ ក៏អាចនឹងផ្ទុកនូវជាតិអំបិលខ្ពស់ផងដែរ។

៧. ភេសជ្ជប៉ូវកម្លាំង៖ វាពិតណាស់ នៅពេលអ្នកទទួលទានភេសជ្ជប៉ូវកម្លាំងអ្នកអាចនឹងមានកម្លាំងដូចក្មេង ប៉ុន្តែវាមិនធ្វើឱ្យខ្លួនអ្នកមើលទៅក្មេងឡើយ។ ភេសជ្ជៈប៉ូវកម្លាំងក៏ត្រូវបាន រកឃើញថាមានជាតិអាស៊ីត និងជាតិស្ករដែលអាចធ្វើឱ្យធ្មេញកាន់តែងាយមានស្នាមប្រឡាក់។

៨. ជាតិកាហ្វេអ៊ីន៖ អ្នកមានដឹងទេថា កាហ្វេអ៊ីនវាដូចទៅនឹងថ្នាំបញ្ចុះទឹកនោមដូច្នេះដែរ វាអាចធ្វើឱ្យអ្នកបញ្ចេញជាតិទឹក និងកាត់បន្ថយសំណើមបាន។ នៅពេលរាងកាយរបស់អ្នកខ្វះជាតិទឹក វាធ្វើឱ្យស្បែករបស់អ្នកខ្វះជាតិទឹក មើលទៅរិចរិល និងចាស់ជាងធម្មតា។

ប្រសិនអ្នកតែងតែទទួលទានអាហារណាមួយខាងលើជាប្រចាំនោះ មានន័យថាអ្នកកំពុងតែធ្វើឱ្យខ្លួនឯងចាស់មុនអាយុហើយ ដូច្នេះបើអាច អ្នកគួរចៀសវាង ឬកាត់បន្ថយ ជាការប្រសើរបំផុត ៕

វិធីងាយៗដើម្បីកម្ចាត់មុននៅលើផ្ទៃមុខ គឺគ្រាន់តែយកផ្លែ​ប៉េងប៉ោះ​លាងទឹកឱ្យស្អាត រួចយកមក​ចិត​ជា​បន្ទះៗ។ បន្ទាប់មកយកបន្ទះប៉េងបោះនោះ ​មក​ជូត​មុនលើ​ផ្ទៃមុខ​​ថ្នមៗមួយសន្ទុះ រួចលាងចេញជាមួយទឹកស្អាតជាការស្រេច។

វិធីនេះ មិនត្រឹមតែជួយព្យាបាលជំងឺមុននោះទេ ថែមទាំងជួយបន្ថយស្លាកស្នាមដែលបន្សល់ពីមុនចាស់ៗទៀតផង។ ជាមួយគ្នានេះ ដោយសារតែ ផ្លែប៉េងប៉ោះ ផ្ទុកវីតាមីន A, C, E និង​ B6​ ទើបវាជួយបើករន្ធញើស ដើម្បីឱ្យស្បែកទទួលយកសារធាតុចិញ្ចឹមពីប៉េងប៉ោះ ទៅចិញ្ចឹមស្បែកផ្ទៃមុខបានយ៉ាងល្អផងដែរ៕